2 KHANG TANGTHU NIHNATE 23:3 - Tedim Bible Revision 2017

³ Tua ciangin a kikhawm khempeuh in Pasianʼ biakinn sungah kumpipa tapa Joash tawh thuciamna khat bawl uh hi. Tua ciangin Jehoiada in amaute kiangah, “En un, kumpipaʼ tapa! Topa in David suante tawh kisai-in a gen bangin amah uksak un.

Tedim Bible

³ Tua ciangin a kikhawm khempeuh in Pasian’ inn sungah kumpipa tawh thuciamna khat bawl uh hi. Tua ciangin Jehoiada in amau kiangah, “En un, kumpipa’ tapa! Topa in David’ suante tawh kisai-in a gen bangin amah uk sak un.

2 KHANG TANGTHU NIHNATE 23:3 Referans Kwoze

2 KHANG TANGTHU NIHNATE 21:7

Ahi zongin, David tawh a bawl sa a thuciamna, ama tung le a suante tungah ukna za a piak suak nading a ciam khitna hangin Topa in Davidʼ suante susia lo hi.

2 KHANG TANGTHU NIHNATE 6:16

Tua ahih ciangin tu-in Israel Pasian, Topa aw, ama tungah thu ciamin, ‘Keima thu na hong man bangin na suan na khakte in ka thukham zui-in a gamtatna uh ah a kidop nak uh leh Israel kumpi tokhom tungah a tu dingin keima mai ah mi khat beek na kitasam kei ding hi,’ na cih sa bangin na nasem ka pa David tawh na thuciam sa kipsak in.

2 SAMUEL NIHNA 7:12

Na pu na pateʼ kiang na zuat ni ciangin, nangma sung panin hong suak khia ding na tapa nangma nungah ka khangsak dinga, keimah in ama kumpi gam ka kipsak ding hi.

2 KHANG TANGTHU NIHNATE 7:18

na pa David tawh kiciamin, ‘Israel a uk dingin mi khat zong na kitasam kei ding hi,’ ka cih bangin na kumpi tokhom ka kipsak ding hi.

2 KUMPI NIHNATE 11:17

Tua ciangin Jehoiada in amaute Topaʼ mi ahih nading uh Topa le kumpipa le mite kikalah thuciamna khat bawl a, kumpipa le mite kikalah zong a bawl hi.

Late 89:36

Ama suanlekhakte kizom paisuak dinga, van a ni a taan lai teng a kumpi gam ka kipsak ding hi.

Late 89:29

Ama suanlekhakte kumpi ka hisak ngitnget dinga, a ukna za, vantung bangin ka kipsak ding hi.

2 KHANG TANGTHU NIHNATE 23:16

Tua ciangin Topaʼ mi ahih nading uh Jehoiada in amah le mi khempeuh le kumpipa kikalah thuciamna khat a bawl hi.

1 KHANG TANGTHU MASATE 11:3

Tua ahih ciangin Israel upate khempeuh kumpipa kiang Hebron ah hong pai uh hi. Tua ciangin David in Topaʼ mai Hebron ah amaute tawh thuciamna khat bawl a, Samuelʼ tungtawnin Topaʼ thugen bangin amaute in Israel kumpi-in David sathau a nilh uh hi.

1 KUMPI MASATE 9:5

na pa David tungah, ‘Israel kumpi tokhom tungah mi khat zong na tasam kei ding hi,’ ci-in ka ciam sa bangin Israel-te tungah na kumpi tokhom ka kipsak paisuak ding hi.

2 SAMUEL NIHNA 7:16

Na suanlekhakte le na kumpi gam keima mai ah a kip tawntungin kibawl dinga, na kumpi tokhom kip tawntung ding hi,’ ci-in gen in,” a ci hi.

2 SAMUEL NIHNA 5:3

Tua ahih ciangin Israel upate khempeuh Hebron-a kumpipa kiangah hong pai uh hi. Kumpipa David in amaute tawh Topaʼ mai Hebron ah thuciamna khat bawl a, amaute in Israel-te tungah kumpi-in David sathau a nilh uh hi.