2 KHANG TANGTHU NIHNATE 22:7 - Tedim Bible Revision 2017

⁷ Ahih hangin Joramʼ kiangah a hawhna tawh Ahaziahʼ pukna a tun nading Pasianʼ seh sa ahi hi. Bang hang hiam cih leh tua lai ah amah a hawh sungin Ahab innkuan a susia dingin Topa in sathau a nilh sa, Nimshiʼ tapa Jehu tawh a kimu dingin Joram tawh paikhia hi.

Tedim Bible

⁷ Ahih hangin Jehoram kiangah hawh dingin a paina tawh Ahaziah’ puk nading a tun’ nading Pasian’ sehsa a hi hi. Bang hang hiam cih leh tua lai-ah amah hong pai ciangin, Ahab innkuan a susia dingin Topa in sathau a nilhsa Nimshi’ tapa Jehu tawh a kimu dingin Jehoram tawh paikhia hi.

2 KHANG TANGTHU NIHNATE 22:7 Referans Kwoze

2 KHANG TANGTHU NIHNATE 10:15

Tua ahih ciangin kumpipa in hih miteʼ thu ngai lo hi; bang hang hiam cih leh Shiloh mi Ahijahʼ tungtawnin Nebatʼ tapa Jeroboam tungah a thugente Topa in a tunsak theih nadingin Pasian in a piansak thu kiheina ahi hi.

2 KUMPI NIHNATE 9:21

Tua ciangin Joram in, “Kithawi un,” a ci hi. Tua ciangin amaute in a leeng kithawisak uh hi. Tua ciangin Israel kumpipa Joram le Judah kumpipa Ahaziah, a sakol leeng tuak uh ah tuangin ding khia uh a, Jehu a dawntuah dingin pai uh a, Jezreel mi Nabothʼ lo ah amah tawh kituak uh hi.

Malakhi 4:3

Keimah in na kong sep ni ciangin note in migilote nuaisiahin leivui bangin na tuancil ding uh hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Late 9:16

Topa in thu hong khenin migilote amauʼ nasepna mahah awksakna tawh amah hong kilang hi.

1 KUMPI MASATE 22:20

Tua ciangin Topa in, ‘Amah kuan to-in Ramoth-gilead ah a va sih nadingin kua in Ahab va zol ding hiam?’ ci hi. Khat in thu khat genin a dang khat in thudang khat gen hi.

1 KUMPI MASATE 19:16

Tua ciangin Israel kumpi dingin Nimshiʼ tapa Jehu sathau na nilh ding hi. Tua ciangin nangma munah kamsang dingin Abelmeholah khuami Shafatʼ tapa Elisha sathau na nilh ding hi.

1 KUMPI MASATE 12:15

Tua bangin kumpipa in miteʼ deihna zui lo hi. Bang hang hiam cih leh Topa in Shiloh khuami Ahijahʼ tungtawnin Nebatʼ tapa Jeroboamʼ tungah a gen sa thu a tunsak nadingin Topa in a piansak thu kiheina ahi hi.

Thukhente 14:4

A nu le a pa in hih thu pen Topaʼ kiang pan ahih lam thei lo uh hi; bang hang hiam cih leh Topa in Filistia mite tungah paulap ding a zong ahi hi. Tua hun laitakin Filistia mite in Israel-te uk uh hi.

Thu-hilhkikna 32:35

Phulakna le thukkikna kei aʼ hi a, a hun ciangin amaute puk ding uh hi. Bang hang hiam cih leh amauʼ gim ngah hun ding hong nai ta a, amauʼ siat nading hong tung pah hi.

2 KUMPI NIHNATE 9:27

Judah kumpipa Ahaziah in hih thu a muh ciangin Beth-haggan lamah a tai hi. Tua ciangin Jehu in amah delhin, “Amah zong kap un,” a ci hi. Tua ciangin amaute in Ibleam gei, Gur kah tohna san a leeng sungah amah kap uh hi. Ahih hangin amah Megiddo khuapi ciang dong tai zo lai a, tua khua ah a si hi.

2 KHANG TANGTHU NIHNATE 22:6

Syria kumpi Hazael a do laitakin gal sungah a ngah a liamnate Jezreel ah a kidamsak dingin a kilehkik hi. Tua ciangin Jezreel ah Ahabʼ tapa Joram a ci na ahih manin amah a en dingin Judah kumpi Jehoramʼ tapa Ahaziah a hawh suk hi.

Joshua 11:20

Bang hang hiam cih leh Topa in Moses a thupiakna bangin amaute a kisuksiat mang nading le hehpihna ngah loin a kibeisak theih nadingin Israel-te a do nadingin a lungsim uh a khauhsak pa pen Topa ahi hi.

1 KUMPI MASATE 12:24

‘Topa in hih bangin ci hi: Note na kuan to kei ding uh a, na beh uh ahi Israel-te na do kei ding uh hi. Mi khempeuh a inn ciat uh ah ciah hen. Hih thu pen keima vaihawm ahi hi,’ ci hi,” a ci hi. Tua ahih ciangin amaute in Topaʼ thu ngai uh a, Topaʼ thugen bangin inn ah a ciahkik uh hi.

2 KUMPI NIHNATE 10:11

Tua ahih ciangin Jehu in kuamah a siit nawn loh dongin Jezreel khua sungah Ahabʼ innkuan a omlaite, a behte le a lawm mel theihte le a siampite khempeuh a that hi.

Paunak 16:9

Mihing in thu geel a, ahi zongin Topaʼ deihna bangin kisem khia hi.