2 KHANG TANGTHU NIHNATE 22:3 - Tedim Bible Revision 2017

³ Ama nu in a sia-a a gamtat nading lamlak ahih manin amah zong Ahab innkuan dangteʼ gamtat bangin a gamta hi.

Tedim Bible

³ Ama nu in a sia-a a gamtatna ah lamlak ahih manin amah in zong Ahab innkuan lampite mah tawn hi.

2 KHANG TANGTHU NIHNATE 22:3 Referans Kwoze

Sawltak 4:19

Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Mattiu 10:37

“Kei sangin a nu a pa a it zawte kei tawh kilawm lo a, kei sangin a tapa a tanu a it zawte kei tawh kilawm lo hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hi lo ahi hiam? Hih bangin a hong bawlna pen bang a deihna ahi hiam? Pasianʼ mi taktak ahi ding tate i neih theih nading ahi hi. Tua ahih manin na khangno lai-un na teenpih na zi uh tawh na thuciamna uh na palsat khak loh nadingun kidawm un.

2 KUMPI NIHNATE 8:27

Amah zong Ahabʼ innkuanteʼ makpa ahih manin Ahabʼ innkuanteʼ gamtat sa bangin Topaʼ muhna ah a sia gamta a, Ahabʼ innkuanteʼ lampi mah a tawn hi.

2 KHANG TANGTHU NIHNATE 22:2

Ahaziah in uk ding a kipatin kum sawm li le nih pha a, Jerusalem ah kum khat sung uk hi. Ama nuʼ min Athaliah hi a, Omriʼ tanu ahi hi.

2 KHANG TANGTHU NIHNATE 22:4

Ahab innkuan dangte mah bangin Topaʼ muhna ah a sia gamta hi; bang hang hiam cih leh a paʼ sih khit ciangin ama siat nading ah thulamlakte pen Ahabʼ innkuante ahi uh hi.

2 KHANG TANGTHU NIHNATE 28:2

Israel kumpiteʼ khekhap zui zaw hi. Amah in a kisung milimte nangawn Baal-te adingin a bawl hi.

2 KHANG TANGTHU NIHNATE 24:7

Bang hang hiam cih leh tua a gilo numei Athaliah le a pawlte in Pasianʼ biakinn luh uh a, Topaʼ biakinn sunga om a ki-ap nate khempeuh zong Baal-te adingin zang uh hi.

2 KHANG TANGTHU NIHNATE 24:17

Jehoiada a sih khit ciangin Judah uliante hong pai-in amauʼ thu a zuih nadingin kumpipa tungah thu va gen uh a, kumpipa in zong amauteʼ thu a ngai hi.