2 KHANG TANGTHU NIHNATE 22:11 - Tedim Bible Revision 2017

¹¹ Ahih hangin kumpipaʼ tanu Jehosheba in Ahaziahʼ tapa Joash la a, a kithat ding kumpipaʼ tapate lak panin amah gu khia-in lupna senna inn dei sungah amah le a cingnu a koih hi. Amah pen Ahaziahʼ sanggamnu ahih manin Kumpi Jehoramʼ tanu ahi, siampi Jehoiadaʼ zi Jehosheba in tua bangin Athaliahʼ kiang panin amah seel a, tua nu in amah that kha lo hi.

Tedim Bible

¹¹ Ahih hangin kumpipa’ tanu Jehoshabeath in Ahaziah’ tapa Joash la a, a kithat ding kumpipa’ tapate’ lak panin amah gukhia-in lupna inndei sungah amah leh a cingnu koih hi. Amah in Ahaziah’ sanggamnu ahih manin, Kumpi Jehoram’ tanu ahi, siampi Jehoiada’ zi Jehoshabeath in tua bangin Athaliah kiang panin amah seel a, tua nu in amah that kha lo hi;

2 KHANG TANGTHU NIHNATE 22:11 Referans Kwoze

Sawltak 4:28

Nangmah in na deihna bangin a piang dingin na vangliatna tawh na khensat sa thu khempeuh a sem dingin amaute kikhawm uh hi.

Isaiah 65:8

Topa in hih bangin ci hi: “Leenggahzu pen leenggah bom panin kingah a, mite in, ‘Tuate kimang thei ding ahih ciangin susia kei un,’ a cih mah bangun kei zong a minam bupun susia loin, keima na hong semte ka suaktasak ding hi.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Late 33:10

Topa in minamteʼ thungaihsutna a mawkna suahin, miteʼ geelna a khaktan hi.

2 KHANG TANGTHU NIHNATE 23:1

Ahih hangin a kum sagihna kumin Jehoiada amah kihanthawnin a za-a a ukte, Jehoramʼ tapa Azariah le Jehohananʼ tapa Ishmael le Obedʼ tapa Azariah le Adaiahʼ tapa Maaseiah le Zikriʼ tapa Elishafat te tawh thukimna khat a bawl hi.

2 KHANG TANGTHU NIHNATE 21:7

Ahi zongin, David tawh a bawl sa a thuciamna, ama tung le a suante tungah ukna za a piak suak nading a ciam khitna hangin Topa in Davidʼ suante susia lo hi.

2 KUMPI NIHNATE 11:2

Ahih hangin Ahaziahʼ sanggamnu, Kumpi Joramʼ tanu Jehosheba in Ahaziahʼ tapa Joash la-in, thah dingin a kikoih kumpipaʼ tapate lak panin amah gu khia a, biakinn sung lupna inn dei sungah amah le a cingnu a koih hi. Tua bangin tua nu in Athaliah kiang panin amah seel a, tua ahih manin amah kithat kha lo hi.

1 KUMPI MASATE 15:4

Ahi zongin Davidʼ hangin Topa a Pasian in Jerusalem ah amah tapa khat pia a, ama khit ah a tapa koihin Jerusalem kipsak hi.

2 SAMUEL NIHNA 7:13

Amah in keima min dingin biakinn khat lam dinga, keimah in ama kumpi gam tokhom a tawntungin ka kipsak ding hi.

Paikhiatna 8:3

Nail gun pen uiphukte tawh kidim dinga, tuate pen na inn sung, na lupna inn dei sung, na lupna tung, na nasemte le na mipihteʼ inn sung, na meikhukte le na annel mekna kuang sung uh ah hong pai ding uh hi.

2 KHANG TANGTHU NIHNATE 22:10

Tu-in Ahaziahʼ nu Athaliah in a tapa a sihna a theih ciangin amah kipanin Judah sung pan kumpi innkuan khempeuh thatsak hi.

2 KHANG TANGTHU NIHNATE 22:12

Tua bangin Athaliah in gam sung a uk laitakin Pasianʼ biakinn sungah bu-in kum guk sung amaute tawh amah a om hi.