2 KHANG TANGTHU NIHNATE 21:4 - Tedim Bible Revision 2017

⁴ A paʼ kumpi tokhom tungah Jehoram kahin a kip ciangin namsau tawh a sanggam pasal khempeuh that a, Judah ulian pawl khat zong a that hi.

Tedim Bible

⁴ A pa’ kumpi tokhom ah Jehoram kahin a kip ciangin namsau tawh a sanggam pasal khempeuh that a, Judah ulian pawlkhat zong that hi.

2 KHANG TANGTHU NIHNATE 21:4 Referans Kwoze

Thukhente 9:5

Tua ciangin Ofrah a a paʼ inn ah amah pai-in, Jerubbaalʼ tapa a sanggam mi sawm sagihte suang khat tungah a that hi. Ahih hangin amah bu ahih manin Jerubbaalʼ tapa neu pen Jotham a suakta hi.

2 KHANG TANGTHU NIHNATE 22:10

Tu-in Ahaziahʼ nu Athaliah in a tapa a sihna a theih ciangin amah kipanin Judah sung pan kumpi innkuan khempeuh thatsak hi.

2 KHANG TANGTHU NIHNATE 21:17

Tua ahih ciangin Judah a simin amaute hong kuan to-in luh uh a, kumpipaʼ inn ah a om a muh uh na khempeuh le a tapate le a zite zong pua khia uh a, a tapa neu pen Jehoahaz sim loh a tapate a kinusia om lo hi.

Piancilna 4:8

Kain in a sanggampa Abel kiangah, “Gamlak ah vak ni,” ci hi. Amaute gamlak ah a om ciangin Kain in a sanggampa Abel a that hi.

1 JOHAN MASA 3:12

Dawimangpaʼ mi ahi, a naupa mahmah a that Kain bang kei ni. Kain a gamtatna man lo a, a naupaʼ gamtatna man ahih manin Kain in a naupa a that ahi hi.

2 KHANG TANGTHU NIHNATE 22:8

Jehu in Ahab innkuan tungah Pasianʼ thukhenna a sepkhiat laitakin Judah uliante le Ahaziahʼ na a sem, Ahaziahʼ sanggam pasalteʼ tapate tuak a, amah in amaute a that hi.

2 KHANG TANGTHU NIHNATE 21:13

Israel kumpi dangteʼ gamtat bangin gamta-in Ahab innkuan in cihtak lohna ah Israel a paipih bangin Judah le Jerusalem-a teeng mite cihtak lohna ah na paipih a, na paʼ innkuan sung panin nang sangin a hoih zaw na sanggam pasalte zong na that hi.

1 KUMPI MASATE 1:12

Tua ahih ciangin tu-in hong pai in. Nangma nuntakna le na tapa Solomonʼ nuntakna na suahtaksak theih nadingin nang tungah ngaihsutna kong pia ding hi.

2 KHANG TANGTHU NIHNATE 25:3

Ama khut sungah kumpi vangliatna kip takin a om khit phetin a pa ahi kumpipa a that a nasemte a that hi.