2 KHANG TANGTHU NIHNATE 20:3 - Tedim Bible Revision 2017

³ Tua ciangin Jehoshafat lau a, a mahmah in Topaʼ lamlah nading zong a, Judah gam khempeuh ah an tan ding thu a zasak hi.

Tedim Bible

³ Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

2 KHANG TANGTHU NIHNATE 20:3 Referans Kwoze

Daniel 9:3

An ngawlin, puanhampi silhin, vut lakah tu-in, Topaʼ kiangah deih takin thu ka ngen hi.

2 KHANG TANGTHU NIHNATE 19:3

Ahi zongin nang na hoihna pawl khat om hi; bang hang hiam cih leh nangmah in gam sung panin Asherah milimte nusia-in Pasian zon ding na lungsimah na ngaihsun hi,” a ci hi.

Joel 1:14

An tan ding thu pia unla, a thupi biak kikhopna bawl un. Noteʼ Topa Pasianʼ biakinn sungah makaite le gam mi khempeuh kaikhawm unla, Topaʼ tungah kiko-in thum un.

Jeremiah 36:9

Josiahʼ tapa Judah kumpi Jehoiakim in a uk zawh kum nga a phak kum, a kha kuana kha-in Jerusalem khua-a om mi khempeuh le Judah gam khuapite panin Jerusalem khua ah a hong pai mi khempeuh in Topaʼ maipha ngah nadingin an a tang uh hi.

1 SAMUEL MASA 7:6

Tua ahih ciangin amaute Mizpah ah kikhawm uh a, tui tawi-in Topaʼ mai ah sung khia uh a, tua ni-in an tangin tua lai munah, “Topaʼ tungah i khial khinzo hi,” a ci uh hi. Samuel in Israel mite Mizpah ah thu khen hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan uh mah bangin kei le ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai dinga, ka sih leh zong a si ka hi ding hi,” a ci hi.

Jonah 1:16

Tua ciangin tua mite in Topa kihta mahmah uh a, Topaʼ tungah biakna pia-in thuciamna a bawl uh hi.

2 KHANG TANGTHU NIHNATE 11:16

Tua ciangin Israel Topa Pasian zon ding a lungsim uh ah a khensat khin mite in amauʼ pute pateʼ Pasian, Topa tungah biakna a pia dingin Israel minam khempeuh sung panin amauʼ nung zui-in Jerusalem ah hong pai uh hi.

Thukhente 20:26

Tua ciangin Israel mite khempeuh, galkap vekpi pai to-in Bethel ah tungin a kap uh hi. Tua lai mun Topaʼ mai ah amaute tu-in nitak dong tua ni an tang uh a, Topaʼ mai ah meihal biakna le thunuam a biakna a pia uh hi.

2 KHANG TANGTHU NIHNATE 7:14

keima minin a kisam ka mite amau mahmah kiniamkhiatin, thu ngenin ka mai hong zong a, amauʼ gitlohnate panin a kihei uh leh, keimah in vantung panin ka za dinga, amauteʼ khialhna maisakin a leitang uh ka hoihsakkik ding hi.

Nehemiah 9:1

Tua kha mah a ni sawm nih le li ni-in an tang dingin Israel mite kikhawm uh a, puanhampi silhin a lu tung uh ah lei kibuak uh hi.

Amos 5:4

Tua ahih manin Topa in Israel mite tungah hih bangin ci hi: Kei hong zong un; tua hileh na nungta ding uh hi.