2 KHANG TANGTHU NIHNATE 2:3 - Tedim Bible Revision 2017

³ Tua ciangin Solomon in Taia kumpi Hiram kiangah thu puak a, “Ten nading inn khat a lam nadingin ka pa David tungah taamtak sing na puak mah bangin kei tungah zong hong puak in.

Tedim Bible

³ Tua ciangin Solomon in Tai-ar kumpi Huram’ kiangah thu puak a: “Teen nading inn khat a lam nadingin ka pa David tungah taamtaak sing na puak mah bangin kei tungah zong hong puak in.

2 KHANG TANGTHU NIHNATE 2:3 Referans Kwoze

1 KHANG TANGTHU MASATE 14:1

Tua ciangin Taia kumpipa Hiram in David kiangah kamtaite, taamtak singte, ama adingin inn khat a lamsak dingin leilesuang inn lam a siamte le khutsiamte zong a puak hi.

2 SAMUEL NIHNA 5:11

Tua ciangin Taia kumpipa Hiram in kamtaite le taamtak singte le David adingin inn khat a lamsak khutsiamte le leilesuang inn lam a siamte zong a puak hi.

Paikhiatna 25:30

Keima mai sabuai tungah Ompihna Anlum na koih tawntung ding hi.

Paikhiatna 29:38

“Tu-in biakna tau tungah na piak tawntung dingte hih bang ahi hi: Nisimin a kizomin kum khat a pha tuuno nihta hi ding hi.

Paikhiatna 29:39

Tuuno khat zingsang lamin na pia dinga, a dang tuuno khat nitak lamin na pia ding hi.

Paikhiatna 29:41

Tuuno a dang khat nitakin na pia dinga, zingsang amah bangin a gim namtui ding, Topaʼ mai ah mei tawh kihal biakna-in an tawh biakna le tuibuah tawh na pia khawm ding hi.

Paikhiatna 30:7

Aaron in tua tungah a namtui paknamtui hal ding hi. Amah in zingsang simin meivakte a puah ciangin hal ding hi.

Siampi Laibu 9:17

Amah in zingsang a meihal biakna banah an tawh biakna paipihin, tua sung panin mangbuh bui a khut dim la-in, biakna tau tungah a hal hi.

Siampi Laibu 23:2

“Israel mite tungah hih bangin gen in: Note in a siangtho biak kikhopnate hi, ci-in na gen ding uh keimah Topaʼ pawi a kisehte hih bang ahi hi.

Gamlak-vakna 28:9

“Sabbath ni-in a sitbaang lo, kum khat a pha tuuno nih le an tawh biakna-in sathau tawh a kibawl annel lawh nih le a leenggahzu tawh biakna hi ding hi.

Gamlak-vakna 28:11

“Kha simin a ni masa ni-in Topaʼ tungah meihal biakna na pia ding uh hi. Bawngtal nih, tuutal khat, a sitbaang lo kum khat a pha tuuno a pa sagih hi ding hi.

2 KHANG TANGTHU NIHNATE 4:19

Tua ahih ciangin Solomon in Pasianʼ biakinn sunga na khempeuh a bawl sakte: Kham biakna tau, Ompihna Anlum adingin sabuaite,

2 KHANG TANGTHU NIHNATE 13:11

Amaute in Topa tungah zing le nitak simin meihal biaknate le a namtui nate ahi paknamtuite pia uh a, kham citak sabuai tungah Ompihna Anlum koihin, a meivakte a kuan nadingin nitak simin kham meivak khuamte a don uh hi; bang hang hiam cih leh kote in Topa Pasianʼ hong sawlnate ka zui uh a, ahih hangin note in amah na nusia uh hi.

2 KHANG TANGTHU NIHNATE 24:14

Amaute in a zawh khit uh ciangin, kumpipa le Jehoiada kiangah sum a omlaite hong paipih uh a, amaute in tuate tawh Topaʼ biakinn ah nasep nading le meihal biak nadingin nazatte le paknamtui adingin pakante le kham le ngun beelte a bawl uh hi. Tua ahih ciangin amaute in Jehoiadaʼ nuntak sung khempeuh a tawntungin Topaʼ biakinn sungah meihal biaknate a pia uh hi.

Ezra 6:3

“Kumpi Sairasʼ kum khatna kumin Jerusalem khua-a Pasianʼ biakinn tawh kisai-in kumpipa in thu pia hi: Biakna kipia-in meihal biakna a kipaipihna munah biakinn lamsakkik un. A sanna pi sawm kua, a vai pi sawm kua mah hi dinga,

Nehemiah 10:34

Tua ciangin thukham sunga a kigelh bangin a kiseh hunin a kumkumin Topa eiteʼ Pasianʼ biakna tau tungah cih dingin beh a banbanin i Pasianʼ biakinn sungah sing a kitut nadingin siampite, Levi mite le ko mi vekpite in sing pua ding sehna ai ka san uh hi.