2 KHANG TANGTHU NIHNATE 2:13 - Tedim Bible Revision 2017

^13-14 Tu-in Dan minam numei khatʼ tapa, thutelna tawh a kidim, siamna a nei, siapa Huram kong puak hi. Ama pa pen Taia khuami ahi hi. Amah in kham, ngun, sumngo, sik le sing le a ausan, a dum le a dupsan puante le saihadial puan le zepna nam khempeuh a sem ding le ka topa ahi na pa Davidʼ mi khutsiamte tawh a sem khawm dingin ama tungah a kipia nasep khat peuhpeuh a sem dingin siamna a nei sa ahi hi.

Tedim Bible

^13-14 “Tu-in Dan minam numei khat’ tapa, thutelna tawh a kidim, siamna a nei, siapa Huram kong puak hi; ama pa in Tai-ar khuami ahi hi. Amah in kham, ngun, sumngo, sik, suang leh sing, leh a ausan, a dum, leh a dupsan puante leh saihadial puan, leh zepna nam khempeuh sem ding leh ka topa ahi na pa David’ mi khutsiamte ahi nangma mi khutsiamte tawh a semkhawm dingin ama tunga a kipia nasep khatpeuh peuh a sem dingin sinna neisa ahi hi.

2 KHANG TANGTHU NIHNATE 2:13 Referans Kwoze

2 KHANG TANGTHU NIHNATE 4:16

Topaʼ biakinn dingin Kumpi Solomon adingin siapa Huram in a kihal sumngo tawh a bawl beelte, kawbiate, sikkeukate le hihte adingin nazat khempeuh ahi hi.

1 KUMPI MASATE 7:13

Tua ciangin Kumpi Solomon in mi sawlin Taia khua-a om Huram samsak hi.

2 KHANG TANGTHU NIHNATE 2:7

Tua hi a, tu-in ka pa David in a seh sa, Judah le Jerusalem ah kei tawh a om nasep siamte tawh a sem khawm dingin kham, ngun, sumngo le sik le a ausan, a dupsan, puan dumte le nasepna ah zong siamna a nei mi khat hong puak in.

2 KHANG TANGTHU NIHNATE 2:12

Tua ciangin a lai sungah gen thuah lai a, “Topa adingin biakinn khat le ama adingin kumpi inn khat a lam ding, thutheihna le thutelna tawh a kidim mipil, David tungah a pia, vanlelei a bawl Israel Topa Pasian in thupha ngah tahen.