2 KHANG TANGTHU NIHNATE 19:2 - Tedim Bible Revision 2017

² Ahih hangin amah a dawn dingin Hananiʼ tapa, thumu pa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topaʼ hehna nang tungah hong tung zo hi.

Tedim Bible

² Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

2 KHANG TANGTHU NIHNATE 19:2 Referans Kwoze

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Efesa 5:11

Khuamial gamtatna, bangmahin a kimang lo nasepnate su vet kei unla, tua bang gamtatnate a hoih lohna pholak zaw un.

2 KHANG TANGTHU NIHNATE 18:3

Israel kumpipa Ahab in Judah kumpipa Jehoshafat kiangah, “Ramoth-gilead ah kei tawh nong kuan ding hiam?” a ci hi. Amah in dawngin, “Kei pen nangmah bang ka hi a, ka mite zong nangma mite mah bang ahi hi. Kote pen galsimna ah nang tawh kong kuan ding uh hi,” a ci hi.

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl zahin Topaʼ tungah Hezekiah in lungdam ko nuam lo hi. Tua ahih manin amah le Judah le Jerusalem tungah Topaʼ hehna hong tung hi.

2 KHANG TANGTHU NIHNATE 24:18

Tua ahih ciangin amaute in a pu a pate uh Pasian, Topaʼ biakinn nusia uh a, Asherah milimte le milim dangteʼ na sem uh hi. Hih amauʼ mawhna hangin Judah le Jerusalem tungah hehna hong tung hi.

2 KHANG TANGTHU NIHNATE 20:34

Tu-in Jehoshafatʼ gamtatna a omlaite, a patna pan a tawp dongin, Israel Kumpiteʼ Tangthu sunga a kiciamteh, Hananiʼ Tapa Jehuʼ Khang Tangthu sungah kigelh hi.

2 KHANG TANGTHU NIHNATE 16:7

Tua hun laitakin Judah kumpi Asa kiangah thumu pa Hanani hong pai-in ama kiangah, “Nangmah in Syria kumpipa suangin, Topa na Pasian suang lo na hih manin, Syria kumpipaʼ galkapte in nang hong suaktasak hi.

1 KUMPI MASATE 16:1

Tua ciangin Baasha langpangin Hanani tapa Jehu tungtawnin Topaʼ thu hong tunga,

ROM (Romans) 8:7

Mi khatpeuh in ama pumpi deihna a ki-uksak ciangin Pasianʼ thukhamte zui lo ahih manin Pasianʼ gal suak a, a zuih nop hangin zong zui thei lo hi.

ROM (Romans) 1:32

Tua bangin a gamtate in sihna thuak ding hi, ci-in Pasianʼ thukhenna thei napi-in, tua bangin amaute a gamtat uh banah, tua bangin a gamtate pakta-in a awi zawsop lai uh hi.

1 SAMUEL MASA 9:9

(Tua ma lai-in Israel-te sungah mi khat in Pasian kiangah thu dong dingin a pai ciangin amah in, “Hong pai in, thumu pa kiangah va pai ni,” ci hi. Bang hang hiam cih leh tu hun a kamsang i cihte tua ma-in thumu pa kici hi.)

ROM (Romans) 1:30

mi gensiatna, Pasian muhdahna, midangte a heh theih a maizum theih nadingin gamtatna, kiphatsakna, kisialhna, thusia bawlna, nu le pateʼ thu man lohna,

ROM (Romans) 1:18

Mihingte in a mawhna le a gitlohna hangun Pasianʼ thuman seelcip uh ahih manin van panin a hehna hong kilangsakin a gimpiakna ding zia hong kilangsak hi.

Johan 15:23

Kei hong mudahte in ka Pa zong a mudah ahi hi.

Johan 15:18

“Leitung mite in note hong muhdah leh kei a hong mudah masa ahihna thu na thei un.

Late 68:1

Pasian hong kipan henla, ama galte kithehthangsak hen. Amah a mudahte ama mai ah tai uh hen.

Late 21:8

Na khut in na galte khempeuh su gawp dinga, na khut taklam in nang hong mudahte su gawp ding hi.

Late 15:4

migilote thusim lo a, ahi zongin Topa a zahtakte a pahtawi mi, ama nat nading nangawn ah a ciampel lo mi,

2 KHANG TANGTHU NIHNATE 18:28

Tua ciangin Israel kumpipa le Judah kumpipa Jehoshafat, Ramoth-gilead ah a kuan to uh hi.

2 KHANG TANGTHU NIHNATE 18:7

Tua ciangin Israel kumpipa in Jehoshafat kiangah, “Eite in Topa thu i dot theih nading Imlahʼ tapa Mikaiah a kici mi khat om lai hi. Ahih hangin amah in kei tawh kisai a hoih thu gen ngei loin a sia bekbek gen tawntung ahih manin amah ka mudah hi,” a ci hi. Tua ciangin Jehoshafat in, “Tua bangin kumpipa in ci kei in,” a ci hi.

1 KUMPI MASATE 21:25

Ama zi Jezebel in a hanthot Ahab bangin Topaʼ muhna ah a sia a gamta dingin a mahmah a kipiatawm mi kuamah dang om lo hi.

1 KUMPI MASATE 16:12

Baashaʼ khialhnate le a khialh sa uh ahi a tapa Elahʼ khialhnate le amaute in Israel khialsakin, a milimte uh tawh Israel Pasian, Topa a hehsakna uh hangin, Baasha langpangin kamsang Jehu tungtawnin Topaʼ thugenna bangin Baashaʼ innkuan khempeuh tua bangin Zimri in susia hi.

1 KUMPI MASATE 16:7

Tua tham loin Jeroboam innkuan bangin ama nasepna tawh hehsakin Topaʼ muhna ah a sia a gamtatna khempeuh hang le amah in Jeroboam le a innkuan a suksiatna hangin Hananiʼ tapa kamsang Jehuʼ tungtawnin Baasha le a innkuan langpangin Topaʼ thu hong tung hi.

Thu-hilhkikna 33:11

Topa aw, ama nate tungah thupha pia inla, a khut tawh a sepnate saang in. A galteʼ kawng sutan inla, a dingkik zo nawn lo dingin amah a mudahte su gawp in,” a ci hi.

Thu-hilhkikna 32:41

a tee ka namsau taatin, thu ka khen ciangin, ka galte tungah phu ka la dinga, kei hong mudahte ka thukkik ding hi.

Thu-hilhkikna 7:10

amah a mudah mite, suksiatna tawh a thuk pah pa ahihna thei un. Amah a mudah mi tungah zekai loin a maitang mahah thuk ding hi.

Thu-hilhkikna 5:9

Amauteʼ mai ah kun loin, amauʼ na na sem kei ding uh hi; bang hang hiam cih leh keimah Topa noteʼ Pasian, a aam Pasian ka hi a, kei hong mudahteʼ tungah a pateʼ mawhna a tateʼ tungah khang thum khang lina dongin thuk-in,

Paikhiatna 20:5

Tuateʼ mai ah na kun kei ding uh a, tuate na bia kei ding uh hi. Bang hang hiam cih leh keimah noteʼ Topa Pasian, a aam Pasian ka hi a, kei hong mudahteʼ tungah pateʼ mawhna tateʼ tungah khang thum khang lina dongin thuk-in,

Late 71:15

Thuman tawh na hotkhiatna na nasepnate sim zawh lohin tam ahih manin sun thapai-in ka gengen ding hi.

2 KHANG TANGTHU NIHNATE 18:1

Jehoshafat hau-in hong minthan ciangin Ahab tawh numei-a kizopna a bawl hi.

1 KUMPI MASATE 22:44

Jehoshafat in Israel kumpipa tawh zong kilemna a bawl hi.

2 KHANG TANGTHU NIHNATE 19:1

Judah kumpipa Jehoshafat lungmuang takin Jerusalem-a ama inn ah ciahkik hi.

2 KHANG TANGTHU NIHNATE 19:10

A khuapi uh ah a teeng na sanggamte uh tung panin mi kithahna thu, thukham ahih kei leh thupiakna, upadi ahih kei leh biakna ngeina kipte tawh kisai-in thu khat peuhpeuh note tungah hong tun ciangin, amaute in Topaʼ mai ah mawhna a piansak loh nading le note le na sanggamte uh tungah hehna hong tun loh nadingin amaute na hilh ding uh hi. Tua bangin na gamta ding uh a, mawhna na piangsak kei ding uh hi.

2 KHANG TANGTHU NIHNATE 26:18

Tua ciangin amaute in Kumpi Uzziah nialin ama kiangah, “Uzziah aw, Topaʼ tungah paknamtui hal ding nangma hih ding hi lo hi. Paknamtui hal dingin a ki-ap, Aaronʼ suan siampiteʼ hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nangʼ tungah pahtawina hong tun lo ding hi,” a ci uh hi.

Amos 7:14

Amos in Amaziah dawng a, “Kei pen kamsang ka hi kei a, kamsangteʼ ta zong ka hi beek kei hi. Kei pen tuucing ka hi a, theithek huan puah tawh a thuah khawm ka hi hi.