2 KHANG TANGTHU NIHNATE 18:5 - Tedim Bible Revision 2017

⁵ Tua ciangin Israel kumpipa in kamsangte mihing za li khawmin amaute kiangah, “Ramoth-gilead a sim dingin kuan to ding ka hi hiam, tua ahih kei leh thuak ding ka hi hiam?” a ci hi. Tua ciangin amaute in, “Kuan to in; bang hang hiam cih leh Pasian in kumpipaʼ khut sungah hong pia ding hi,” a ci uh hi.

Tedim Bible

⁵ Tua ciangin Israel kumpipa in kamsangte mihing zali khawmin amaute kiangah, “Ramothgilead sim dingin kuanto ding i hi hiam, tua ahih kei leh thuak ding ka hi hiam?” a ci hi. Tua ciangin amaute in, “Kuanto in; bang hang hiam cih leh Pasian in kumpipa’ khut sungah hong pia ding hi,” a ci uh hi.

2 KHANG TANGTHU NIHNATE 18:5 Referans Kwoze

Mangmuhna 19:20

Tua ciangin a ganhing le tua ganhing omna ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua nalamdangte tawh a kikhem ahi hi. Ganhing le kamsang zuau pa, a nihun kat kikhulna meiphual pi sungah a hingtangun kilawn hi.

2 TIMOTI NIHNA 4:3

Mite in thuman a ngaih nop loh hun, amauteʼ deihna bek a zuih nop hun, amauteʼ zaknop thute bek a gen ding sia a cial thuahthuah hun hong tung ding hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Micah 2:11

Zuau genin khemna tawh thu gen kawikawi a, “Note adingin leenggahzu le khamtheih zu tampi tak hong om ding hi,” a hong ci kamsangte pawl, noteʼ deih kamsangte ahi hi.

Ezekiel 13:22

Keima gen hi lo napi-in na thuzuau gen teng uh tawh mihoihte na lunggimsak uh a, migilote a sih theih nadingun hong kihei loh nading lamah na leh hanthot zawsop uh hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko adingin Topa i Pasianʼ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Jeremiah 23:17

Keimah Topaʼ thugenna a hong ngai lo mite kiangah, hong hoih na ve, ci-in a gen tawntung uh hi. Amauʼ lungsimʼ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 23:14

Ahih hangin Jerusalem khua sunga om kamsangteʼ sungah a mulkimhuai zaw na khat keʼn ka mu hi. Angkawmin zuau thu gen uh a, mite a gitlohna uh pan a kikhel loh nadingin mihoih lote a hanthawn zaw lai uh hi. A vekpi-un keiʼ muhna ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

2 KHANG TANGTHU NIHNATE 18:14

Kumpipa kiangah amah hong tun ciangin kumpipa in ama kiangah, “Mikaiah aw, Ramoth-gilead ah galsim dingin kuan ding ka hi hiam, tua ahih kei leh thuak ding ka hi hiam?” a ci hi. Tua ciangin amah in dawngin, “Kuan to inla va gualzo ve! Na khut sungah amaute hong kipia ding hi veʼn,” a ci hi.

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam? Na nuʼ kamsangte le na paʼ kamsangteʼ kiangah pai in,” a ci hi. Ahih hangin Israel kumpipa in ama kiangah, “Hi lo hi; Moabʼ khut sungah hong piak dingin ko kumpi thumte a hong sam pa pen Topa ahi hi,” a ci hi.

1 KUMPI MASATE 18:19

Tua ahih ciangin tu-in mi sawl inla, Karmel Mual kei kiangah Israel-te khempeuh le Jezebelʼ sabuai ah an a ne Baal kamsang za li le sawm nga le Asherah kamsang za lite hong khawm in,” a ci hi.

1 KUMPI MASATE 4:13

Bengeber: Ramoth-gilead gam sungah (amah in Gilead sunga om Manassehʼ tapa Jairʼ khuaneute le Bashan sungah a om Argob gam sung, kulhpite le sumngo zawlte a nei khuapi lian sawm guk nei hi);

2 KHANG TANGTHU NIHNATE 18:4

Tua ciangin Jehoshafat in Israel kumpipa kiangah, “Topa thu dong masa ni,” a ci hi.

2 KHANG TANGTHU NIHNATE 18:6

Ahih hangin Jehoshafat in, “Eite in i dot theih ding Topaʼ kamsang a dang hih lai ah om nawn lo ahi hiam?” a ci hi.

1 KUMPI MASATE 12:9

Amah in amaute kiangah, “‘Na pa in kote tungah hong suat van gik zangsak in,’ kei tungah hong ci hih mite i dawn nading ngaihsutna hong bangci piak ding na hi uh hiam?” a ci hi.

Jeremiah 23:16

Vanglian Topa in, “Note kiangah thu hong hilh a, a hong lamen khialsak kamsangteʼ thugennate na ngai kei un. Amaute in a lungsim uh ah a geel tawm uh thu hong gen uh hi a, keima kiang pan a hong pai thu ahi kei hi.