2 KHANG TANGTHU NIHNATE 18:2 - Tedim Bible Revision 2017

² Kum tawm khat khit ciangin Samaria-a Ahab kiangah amah pai suk hi. Tua ciangin Ahab in amah le amah tawh a hong pai mite adingin tuu tampi le bawngtal tampi go a, Ramoth-gilead a sim dingin amah a zol hi.

Tedim Bible

² Kum tawmkhat khit ciangin Samaria-a Ahab kiangah amah paisuk hi. Tua ciangin Ahab in amah leh amah tawh a hong pai mite’ adingin tuu tampi leh bawngtal tampi go a, Ramothgilead sim dingin amah zol hi.

2 KHANG TANGTHU NIHNATE 18:2 Referans Kwoze

2 KHANG TANGTHU NIHNATE 19:2

Ahih hangin amah a dawn dingin Hananiʼ tapa, thumu pa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topaʼ hehna nang tungah hong tung zo hi.

2 KUMPI NIHNATE 9:1

Tua ciangin kamsang Elisha in kamsangteʼ sung pan khat samin ama kiangah, “Kithawi inla, hih sathau biing tawi-in Ramoth-gilead ah va pai in.

1 KUMPI MASATE 1:9

Adonijah in Enrogel gei-a om Gulpiʼ Suangpi kiangah tuute, bawngtalte le gan no thaute biakna-in pia-in, amah in kumpipaʼ tapate ahi a sanggamte khempeuh le Judah gam kumpi uliante khempeuh sam a,

Nehemiah 13:6

Babylon kumpipa Artakzaksis in a uk kum sawm thum le nihna kumin ama kiangah pai ka hih manin hih thu a pian laitakin Jerusalem ah ka om kei hi. Tawl khat khit ciangin kumpipa kiangah a khuan ka ngen a,

1 KUMPI MASATE 17:7

Tua gam sungah guah zu lo ahih manin tawl khat khit ciangin a lui a kang hi.

1 KUMPI MASATE 4:13

Bengeber: Ramoth-gilead gam sungah (amah in Gilead sunga om Manassehʼ tapa Jairʼ khuaneute le Bashan sungah a om Argob gam sung, kulhpite le sumngo zawlte a nei khuapi lian sawm guk nei hi);

Joshua 20:8

Jerikho nisuahna Jordan gal khat ah Reuben minam sung panin mualzang sehnel gam a om Bezer khua, Gad minam sung panin Gilead gam sunga om Ramoth khua le Manasseh minam sung panin Bashan gam sunga om Golan khuate a seh uh hi.

Thu-hilhkikna 4:43

Reuben mite adingin mualzang sehnel gam Beza khua, Gad mite adingin Gilead gam sung Ramoth khua le Manasseh mite adingin Bashan gam sung Golan khua ahi hi.

2 KHANG TANGTHU NIHNATE 18:3

Israel kumpipa Ahab in Judah kumpipa Jehoshafat kiangah, “Ramoth-gilead ah kei tawh nong kuan ding hiam?” a ci hi. Amah in dawngin, “Kei pen nangmah bang ka hi a, ka mite zong nangma mite mah bang ahi hi. Kote pen galsimna ah nang tawh kong kuan ding uh hi,” a ci hi.