2 KHANG TANGTHU NIHNATE 18:11 - Tedim Bible Revision 2017

¹¹ Tua ciangin kamsang khempeuh in zong tua bangmahin gen uh a, “Ramoth-gilead ah kuan to inla, gualzo in. Topa in kumpipaʼ khut sungah hong pia ding hi,” a ci uh hi.

Tedim Bible

¹¹ Tua ciangin kamsang khempeuh in zong tua mah bangin genkhol uh a, “Ramothgilead-ah kuanto in la, gual zo in; Topa in kumpipa’ khut sungah hong pia ding hi,” a ci hi.

2 KHANG TANGTHU NIHNATE 18:11 Referans Kwoze

Mangmuhna 19:20

Tua ciangin a ganhing le tua ganhing omna ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua nalamdangte tawh a kikhem ahi hi. Ganhing le kamsang zuau pa, a nihun kat kikhulna meiphual pi sungah a hingtangun kilawn hi.

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.

Micah 3:5

Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

2 KHANG TANGTHU NIHNATE 18:12

Tua ciangin Mikaiah a sam dingin a pai kamtai pa in ama kiangah, “En in, thu kikhatin kamsangteʼ thugen pen kumpipa adingin a hoihlam ahi hi. Nang zong amauteʼ gen bangin gen inla, a hoih lamin gen in,” a ci hi.

2 KHANG TANGTHU NIHNATE 18:5

Tua ciangin Israel kumpipa in kamsangte mihing za li khawmin amaute kiangah, “Ramoth-gilead a sim dingin kuan to ding ka hi hiam, tua ahih kei leh thuak ding ka hi hiam?” a ci hi. Tua ciangin amaute in, “Kuan to in; bang hang hiam cih leh Pasian in kumpipaʼ khut sungah hong pia ding hi,” a ci uh hi.

1 KUMPI MASATE 4:13

Bengeber: Ramoth-gilead gam sungah (amah in Gilead sunga om Manassehʼ tapa Jairʼ khuaneute le Bashan sungah a om Argob gam sung, kulhpite le sumngo zawlte a nei khuapi lian sawm guk nei hi);

2 KHANG TANGTHU NIHNATE 18:10

Tua ciangin Khenaanahʼ tapa Zedekiah in sik kite bawl tawmin, “Topa in hih bangin ci hi: ‘Amaute a siat matengin hihte tawh Syria mite na nawt ding hi,’ ci hi,” a ci hi.