2 KHANG TANGTHU NIHNATE 18:10 - Tedim Bible Revision 2017

¹⁰ Tua ciangin Khenaanahʼ tapa Zedekiah in sik kite bawl tawmin, “Topa in hih bangin ci hi: ‘Amaute a siat matengin hihte tawh Syria mite na nawt ding hi,’ ci hi,” a ci hi.

Tedim Bible

¹⁰ Tua ciangin Khena-anah’ tapa Zedekiah in sik kite bawl tawmin, “Topa in hih bangin ci hi, ‘Amaute a siat matengin hihte tawh Siria mite na nawt ding hi,’ ci hi,” a ci hi.

2 KHANG TANGTHU NIHNATE 18:10 Referans Kwoze

2 TIMOTI NIHNA 3:8

Jannes le Jambres-te in Moses thu a nial mah bangin upna paizia a man lo hih thuhilh mite in zong thuman thutak a nial uh hi.

Ezekiel 22:28

Kulh nin kimlai leikang tui tawh a kizut kang bangin a kamsangte un hih bang mawhnate imcip uh hi. A man lopi maang mu uh a, a man lopi-in mailam thu gen uh hi. Topa ahi keimah in amaute tungah thu gen lo napi-in, Topa Pasian in hih bangin thu gen hi, ci-in zuau phuakin mite tungah thu gen uh hi.

Ezekiel 13:7

Tua ahih manin amaute kiangah ka gen thu in: ‘Na maangmuhnate uh zuaupi hi a, na thugen kholhnate uh zuau thu ahi hi. Note kiangah keimah in thu hong gen lo napi-in keima gen bangin na gen uh hi,’ ka ci hi,” a hong ci hi.

Jeremiah 29:21

“Vanglian Topa, Israel miteʼ Pasian in, keiʼ min tawh note kiangah zuau thu a hong hilh Kolaiahʼ tapa Ahab le Maaseiahʼ tapa Zedekiah te tawh kisai-in kong genin ah: En un, keimah in amaute Babylon kumpipa Nebukhadnezzarʼ khut sungah ka pia dinga, amah in noteʼ muhin amaute a that lum ding hi.

Jeremiah 27:2

Topa in kei tungah, “Savun khau tawh a kithuah hakkol bawl inla, na ngawng ah thuah in.

Jeremiah 23:31

En un, Topa in kong genin ah, amauʼ ngaihsut tawm thu gen napi-in, ‘Topa in ci hi,’ a ci khem kamsangteʼ lang khat ah kei ka pang hi.

Jeremiah 23:25

Ka min tawh zuau phuakin, ‘Mang man zo ing, mang man zo ing,’ ci-in a gen kamsang zuautheiteʼ thuhilhnate zong ka za khinzo hi.

Jeremiah 23:21

Topa in, “Keimah in sawl khia lo napi-in tua kamsangte kuan khia teitei uh hi. Thu bangmah ka gen lohpi, keiʼ min paulamin thu a gen mawkmawk uh hi.

Jeremiah 23:17

Keimah Topaʼ thugenna a hong ngai lo mite kiangah, hong hoih na ve, ci-in a gen tawntung uh hi. Amauʼ lungsimʼ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

1 KUMPI MASATE 22:11

Tua ciangin Khenaanahʼ tapa Zedekiah in ama adingin sik kite bawl a, “Topa in hih bangin ci hi: ‘Amaute na zawh matengin hihte tawh Syria mite na nawt ding hi,’ ci hi,” a ci hi.

2 KHANG TANGTHU NIHNATE 18:9

Tu-in Israel kumpipa le Judah kumpipa Jehoshafat a kumpi tokhom tung uh ah tu-in a puan tualpi uh tawh kizem uh hi. Samaria kulh kongpi lutna munah amaute tu uh a, amauteʼ mai ah kamsangte khempeuh in thu a gen uh hi.

2 KHANG TANGTHU NIHNATE 18:11

Tua ciangin kamsang khempeuh in zong tua bangmahin gen uh a, “Ramoth-gilead ah kuan to inla, gualzo in. Topa in kumpipaʼ khut sungah hong pia ding hi,” a ci uh hi.