2 KHANG TANGTHU NIHNATE 18:1 - Tedim Bible Revision 2017

¹ Jehoshafat hau-in hong minthan ciangin Ahab tawh numei-a kizopna a bawl hi.

Tedim Bible

¹ Tu-in Jehoshafat in hauhna leh minthan’na lianpi nei hi; amah in Ahab tawh numei-a kizopna bawl hi.

2 KHANG TANGTHU NIHNATE 18:1 Referans Kwoze

2 KHANG TANGTHU NIHNATE 17:5

Tua ahih ciangin Topa in ama khut sungah kumpi gam kipsak a, Judah mi khempeuh in Jehoshafat tungah siah puak uh hi. Amah hau mahmah a, minthang mahmah hi.

2 KHANG TANGTHU NIHNATE 21:6

Amah in Ahab innkuan mah bangin Israel kumpi dangteʼ gamtat a zui hi; bang hang hiam cih leh Ahabʼ tanu ama zi ahi hi. Topaʼ muhna ah amah a sia gamta hi.

2 KHANG TANGTHU NIHNATE 19:2

Ahih hangin amah a dawn dingin Hananiʼ tapa, thumu pa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topaʼ hehna nang tungah hong tung zo hi.

2 KUMPI NIHNATE 8:18

Ahabʼ tanu ama zi ahih manin Ahabʼ innkuanteʼ gamtatna sa, Israel kumpiteʼ lampi mah amah in tawn hi. Topaʼ muhna ah amah a sia gamta hi.

2 KORIN NIHNA 6:14

Thu um lo mite tawh na nasem khawm kei un. Midik le mimawh bangci-in kipawl thei dinga, khuavak le khuamial bangci-in om khawm thei ding ahi hiam?

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

2 KHANG TANGTHU NIHNATE 18:31

Leeng galkap a ukte in Jehoshafat a muh uh ciangin, “Israel kumpipa hi,” a ci uh hi. Tua ahih ciangin amah a hih dingin amaute in naih uh hi. Tua ciangin Jehoshafat kiko khia a, Topa in amah huh hi. Pasian in ama kiang panin amaute kai khia hi;

2 KHANG TANGTHU NIHNATE 17:12

Tua ciangin Jehoshafat hong lian zaw semsem hi. Amah in Judah gam sungah mun muanhuaite le vankoihna khuapite lam a,

2 KUMPI NIHNATE 11:1

Ahaziahʼ nu Athaliah in a tapa a sihna a theih ciangin amah kipanin kumpi innkuan khempeuh thatsak hi.

1 KUMPI MASATE 21:25

Ama zi Jezebel in a hanthot Ahab bangin Topaʼ muhna ah a sia a gamta dingin a mahmah a kipiatawm mi kuamah dang om lo hi.

1 KUMPI MASATE 22:1

Kum thum sung Syria le Israel gal kido loin om uh hi.

1 KUMPI MASATE 22:45

Tu-in Jehoshafatʼ gamtatna a omlaite, amah in a lah a thahatna le amah in a galdona, Judah Kumpiteʼ Khang Tangthu Laibu sungah kigelh hi.

2 KHANG TANGTHU NIHNATE 20:35

Hih thu khit ciangin Judah kumpi Jehoshafat in a gilo a a gamta Israel kumpipa Ahaziah tawh kipawlna a bawl hi.