2 KHANG TANGTHU NIHNATE 17:9 - Tedim Bible Revision 2017

⁹ Amaute in Topaʼ thukham laibu kengin Judah gam sungah hilh uh hi. Judah khuapi khempeuh ah amaute pai kawikawi-in mite lakah a hilh uh hi.

Tedim Bible

⁹ Amaute in Topa’ thukham laibu kengin Judah sungah hilh uh hi; Judah khuapi khempeuh ah amaute pai kawikawi-in mite lakah hilh uh hi.

2 KHANG TANGTHU NIHNATE 17:9 Referans Kwoze

Johan 5:46

Moses in keima thu gen belin nei ahih manin Moses um taktak hi le-uhcin kei zong na hong um ding uh hi.

ROM (Romans) 3:2

Lam tampi ah a phattuamna a om hi. A masa penin, Pasian in Jew mite tungah ama thute a gen hi.

1 PETER MASA 4:11

Minthanna le vangliatna a nei tawntung Pasian in Jesu Khris hangin thu khempeuh ah phatna a ngah theih nadingin thuhilhte in Pasianʼ thu na hilh unla, na a semte in Pasianʼ piak thahatna tawh na sem un. Amen.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Sawltak 15:21

Bang hang hiam cih leh Sabbath nisimin kikhopna innte ah Moses Thukhamte kisim ngitnget a, khua khempeuh ah Moses thugente mah hilh belin kinei hi,” a ci hi.

Sawltak 13:15

Kikhopna inn ukte in Moses Thukham Laibu sung le kamsangteʼ laibute a sim khit uh ciangin amaute kiangah, “Sanggamte aw, mihonte tungah hanthotna kam na gen nop uh leh thu nong gen ding uh ka deih uh hi,” a cisak uh hi.

Sawltak 8:40

Tua ciangin Filip pen Azotas khua ah a om ahih lamtak amah kiphawk a, tua khua a kipanin Sisaria khua a tun dongin khua khempeuh ah Lungdamna Thu a hilh hi.

Johan 5:39

Nuntak tawntung ngah theih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Mattiu 11:1

Jesu in a nungzui sawm le nihte a vaikhakna a man khit ciangin tua kiimnai-a om khuate ah thuhilh ding le thugen dingin tua mun panin a paikhia hi.

Mattiu 10:23

Khua khat ah note hong kibawlsiat leh khua dang khat ah tai un. Note kiangah kong genin ah: Israel khua khempeuh na khit ma-un Mihing Tapa hong pai ding hi.

Isaiah 8:20

Tua ciangin note in, “Topa in note hong hilh thute ngai un. Aisanteʼ thu ngai kei un. Amauteʼ hong gen thute a kimanna om lo hi,” ci-in dawng un.

Nehemiah 8:7

Mite amauʼ omna san ciatah a om sungun mite in thukham a tel theih nadingun Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan le Pelaiah-te in a khiatna a gen uh hi.

2 KHANG TANGTHU NIHNATE 35:3

Tua ciangin amah in Israel khempeuh hilhin Topaʼ tungah a siangtho Levi mite tungah, “Israel kumpipa, Davidʼ tapa Solomon in a lam biakinn sungah Thuciamna Singkuang siangtho koih un. Na liangko tung uh ah na puak ding uh kisam nawn lo hi. Tu-in Topa na Pasian uh le ama mi Israel-teʼ na sem un.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

2 KHANG TANGTHU NIHNATE 19:8

Tua tham loin, Topa adingin thukhenna a pia ding le thuneite a khensak dingin Levi mite le siampite le Israel mi beh lutangte pawl khat, Jehoshafat in Jerusalem ah a seh hi. Amaute in Jerusalem ah a phual ding uh nei uh hi.

Malakhi 2:7

Siampiteʼ nasep pen Pasian a manin theih nading a hilh ding uh ahi hi. Amaute pen, Vanglian Topaʼ kamtaite ahih manun, mite in keima deihna a theih nadingun amauteʼ tungah thu a dot ding uh ahi hi.