2 KHANG TANGTHU NIHNATE 17:7 - Tedim Bible Revision 2017

⁷ Ama uk a kum thumna kumin ama uliante Benhail, Obadiah, Zekhariah, Nethanel le Mikaiah, Judah khuapite ah thuhilh dingin a sawl hi.

Tedim Bible

⁷ Ama uk kum thumna kumin ama uliante, Benhail, Obadiah, Zekhariah, Nethanel, leh Mikaiah, Judah khuapite ah thuhilh dingin sawl hi;

2 KHANG TANGTHU NIHNATE 17:7 Referans Kwoze

2 KHANG TANGTHU NIHNATE 35:3

Tua ciangin amah in Israel khempeuh hilhin Topaʼ tungah a siangtho Levi mite tungah, “Israel kumpipa, Davidʼ tapa Solomon in a lam biakinn sungah Thuciamna Singkuang siangtho koih un. Na liangko tung uh ah na puak ding uh kisam nawn lo hi. Tu-in Topa na Pasian uh le ama mi Israel-teʼ na sem un.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

Sawltak 1:1

Lawm Theofilas aw, Lai ka hong gelh masakna sungah Jesu in nasep a kipat tung a kipanin vantungah amah a kilaktoh hun ciang dong, a thuhilhna le a septe khempeuh cing takin ka gelh hi. Ama sawltak dingin a teel sa mite, Kha Siangtho tungtawnin thu a vaikhak khit ciangin vantungah amah kila to hi.

Marka 4:2

Amah in thu gentehna tawh thu tampi hilh a, a thuhilhna ah:

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Isaiah 49:23

Kumpite pen nang hong kem na pate hong hi dinga, kumpinute pen nang hong khoi na nute hong hi ding hi. Amaute in a maitang uh leilak ngatin nang kiangah hong kun ding uh a, na khe-a leivui baangte a liak ding uh hi. Tua ciangin kei pen Topa ka hihna na hong thei ding hi. Kei hong muangte maizum lo ding hi,” a ci hi.

Thuhilh-sia 1:12

Thugen Siampa kei pen Jerusalem khua ah Israel kumpipa ka hi ngei hi.

Late 51:13

Tua ciangin thupalsatte na zia na tong ka hilh dinga, nangma lamah mimawhte hong kiheikik ding uh hi.

Late 34:11

Tate aw, hong pai unla hong ngai un; Topa zahtakna thu kong hilh ding hi.

Nehemiah 9:3

Tua ciangin amauʼ omna mun ciat uh ah dingin Topa amauʼ Pasianʼ thukham laibu nai thum sung sim uh a, a dang nai thum sung amaute in mawhna pulakin Topa a Pasian uh zahtakna a bawl uh hi.

2 KHANG TANGTHU NIHNATE 30:22

Tua ciangin Hezekiah in Topaʼ nasepna ah a siamna hoih uh a lak Levi mite khempeuh tungah hanthotna thu a gen hi. Tua ahih ciangin mite in pawi an ni sagih sung ne uh a, thunuam a biakna pia-in a pu a pate uh Pasian, Topa tungah lungdamna a ko uh hi.

Thu-hilhkikna 33:10

Amaute in na ngeina kipte Jakob suante hilhin, na thukhamte Israel-te hilh ding uh hi. Amaute in na mai ah paknamtui hong koihin, na biakna tau tungah meihal biakna bup hong koih ding uh hi.

Thu-hilhkikna 4:5

“En un, note in a luah dingin na lutna uh gam sungah na zuih dingun Topa ka Pasian in kei hong thupiak bangin thukhamte le ngeina kipte kong hilh khinzo hi.

Gamlak-vakna 1:8

Issakhar sung panin Zuarʼ tapa Nethanel;

Siampi Laibu 14:42

Tua ciangin amaute in suang dang la-in, tua suangteʼ omna munah koihin, amah in zutna dang la-in tua inn zut ding hi.

Ezra 7:25

“Tua hi a, nang Ezra in nang tungah hong kipia na Pasianʼ pilna tawh kizui-in Eufratis Gun gal gam sunga mite thu a khen dingin na Pasianʼ thukham a thei mite seh in. Nang le amaute in na Pasianʼ thukham a thei lote na hilh ding uh hi.