2 KHANG TANGTHU NIHNATE 17:4 - Tedim Bible Revision 2017

⁴ Israel-teʼ gamtat bang hi loin ama paʼ Pasian zongin ama thupiakna a zui hi.

Tedim Bible

⁴ Israelte’ gamtat bang hi loin, ama pa’ Pasian zongin ama thupiakna zui hi.

2 KHANG TANGTHU NIHNATE 17:4 Referans Kwoze

1 KUMPI MASATE 12:28

Tua ahih ciangin kumpipa in thu kikupna khat bawl a, tua ciangin kham bawng no nih bawl hi. Tua ciangin amah in mite kiangah, “Jerusalem ah sauvei khop na pai khinta uh hi. Israel mite aw, Egypt leitang panin note hong paikhiatpih na pasian-te uh en un,” a ci hi.

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasianʼ lungkimna bangin na gamtat theih nadingun ka hong gengen uh hi.

Luka 1:6

A nih tuakun Pasianʼ muhna ah a manin gamta uh a, Topaʼ thukhamte le a ngeina khempeuh a zui uh hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

2 KUMPI NIHNATE 17:19

Judah mite in zong Topa a Pasian uh thupiaknate zui loin Israel mite in a phuahtawm ngeinate zuih pih uh hi.

2 KUMPI NIHNATE 8:18

Ahabʼ tanu ama zi ahih manin Ahabʼ innkuanteʼ gamtatna sa, Israel kumpiteʼ lampi mah amah in tawn hi. Topaʼ muhna ah amah a sia gamta hi.

1 KUMPI MASATE 12:33

A kha giatna a ni sawm le nga ni, ama deih kha sungin Bethel a ama bawl sa biakna tau ah amah pai to hi. Amah in Israel mite adingin pawi khat kipsak a, paknamtui hal dingin biakna tau ah a pai to hi.

1 KUMPI MASATE 12:30

Hih na pen khialhna khat a suak hi. Bang hang hiam cih leh mite Bethel a bia ding le Dan a bia dingin a gamla pekah va pai uh hi.

2 KHANG TANGTHU NIHNATE 17:3

Amah in a paʼ gamtat masate zui ahih manin Jehoshafat tawh Topa om hi. Amah in Baal-te bia lo hi.

2 KHANG TANGTHU NIHNATE 21:12

Tua ciangin kamsang Elijah tung panin ama kiangah laikhak khat hong tung a, “Na pu Davidʼ Pasian, Topa in hih bangin ci hi: ‘Na pa Jehoshafatʼ gamtat bang le Judah kumpi Asaʼ gamtat bangin gamta loin,

2 KHANG TANGTHU NIHNATE 22:9

Amah in Ahaziah zong a, Samaria ah a buk laitakin amah kiman a, tua ciangin Jehu kiangah amah kipaipihin kithat hi. Amaute in amah vui uh hi; bang hang hiam cih leh amaute in, “Amah pen a lungsim khempeuh tawh Topa a zong Jehoshafatʼ tupa ahi hi,” ci uh hi. Tua ciangin Ahaziah innkuante in kumpi gam a uk zo ding mi khat zong nei nawn lo uh hi.

1 KUMPI MASATE 3:3

Solomon in Topa itin, a pa Davidʼ thukhamte zui hi. Ahi zongin amah in mual tunga biaknate ah biakna pia-in paknamtui hal hi.

1 KUMPI MASATE 9:4

Nang na hih leh, na pa David a gamtat bangin lungsim thupina le thumanna tawh ka mai ah gamta-in, nang kong thupiak khempeuh bangin sem a, ka thukhamte le ka ngeina kipte na zuih leh,

2 KHANG TANGTHU NIHNATE 14:6

Tua gamah gal dai ahih manin Judah gam sungah kulh a nei khuapite a lam hi. Topa in ama tungah galdaihna hun pia ahih manin tua hun sungin amah in galdona nei lo hi.

2 KHANG TANGTHU NIHNATE 27:6

Tua ahih ciangin Topa a Pasianʼ mai ah Jotham a hoih tatna tawh kizui-in a vang zong a lian hi.

2 KHANG TANGTHU NIHNATE 29:2

A pu Davidʼ hihnasa khempeuh bangin Topaʼ mitah a man gamta hi.

2 KHANG TANGTHU NIHNATE 34:2

Topaʼ mitah a man gamta a, a pu Davidʼ khekhap zui-in them khat zong lampial lo hi.