2 KHANG TANGTHU NIHNATE 17:3 - Tedim Bible Revision 2017

³ Amah in a paʼ gamtat masate zui ahih manin Jehoshafat tawh Topa om hi. Amah in Baal-te bia lo hi.

Tedim Bible

³ Amah in a pa’ gamtat nasate zui ahih manin Jehoshafat tawh Topa om hi; amah in Baalte bia lo hi;

2 KHANG TANGTHU NIHNATE 17:3 Referans Kwoze

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

2 KUMPI NIHNATE 22:2

Topaʼ mitah amah a manin gamta-in, a pu Davidʼ khekhap khempeuh zui cinten a, them khat zong pial lo hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 1:23

“Nungak khat gai-in tapa khat nei dinga, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong om khawm hi, a cihna ahi hi.

Late 46:11

Vanglian Topa, eite tawh hong om khawm a, Jakobʼ Pasian, eima belh ahi hi.

1 KHANG TANGTHU MASATE 22:18

“Topa na Pasian uh note tawh hong om hi lo ahi hiam? Amah in na kiim khempeuh uh ah lungnopna hong pia hi lo ahi hiam? Bang hang hiam cih leh amah in gam sunga teeng mite keima khut sungah hong pia khin a, Topa le ama miteʼ mai ah gam sung khempeuh kinuaisiah hi.

2 SAMUEL NIHNA 5:10

David lian semsem hi; bang hang hiam cih leh Vanglian Pasian, Topa in amah ompih hi.

Thukhente 6:12

Topaʼ vantungmi ama tungah kilangin ama kiangah, “Topa in nang hong ompih hi, a thahat a vanglian mipa aw,” a ci hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Paikhiatna 3:12

Amah in, “Nang tawh kong om taktak ding hi. Hih pen nangma adingin nangmah kong sawlna lim hi ding hi: Nangmah in Egypt panin mihingte na paikhiatpih khit ciangin, nang in hih mual tungah Pasian na bia ding hi,” a ci hi.

Piancilna 39:21

Ahih hangin Topa in Josef ompihin ama tungah itna kip lak a, thong ukpaʼ muhna ah maipha a pia hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-teʼ nung ka zui kei hi,’ bang hangin ci thei ding na hi hiam? Mualkuam zang ah a om na lampi totte en to inla, na hih sate mu dih in. A suk tai a to tai kawikawi kalaoh huk na bang tazen hi.

Isaiah 8:10

Note kikhawmin thu na vaihawm uh hangin a mawkna suak dinga, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong om khawm hi.

Late 46:7

Vanglian Topa eite tawh hong om khawm a, Jakob Pasian eima belh ahi hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om lai teng uh note tawh Topa hong om hi. Amah na zon uh leh amah na mu ding uh a, ahih hangin amah na nusiat uh leh amah in note hong nusia ding hi.

2 KUMPI NIHNATE 18:3

A pu Davidʼ hihna khempeuh tawh kizui-in Topaʼ mitah a man gamta hi.

1 KUMPI MASATE 11:6

Tua ahih ciangin Topaʼ muhna ah Solomon a sia gamta a, a pa David bangin Topa zui bup lo hi.

2 SAMUEL NIHNA 8:15

Tua ahih ciangin David in Israel-te khempeuh uk a, a mite khempeuh tungah thutang le thuman a zang hi.

Paikhiatna 4:12

Tua ahih ciangin tu-in pai in. Keimah in na thugenna ah kong huh dinga, na thugen ding nang kong hilh ding hi,” a ci hi.

2 KHANG TANGTHU NIHNATE 14:11

Tua ciangin Topa Pasianʼ tungah Asa kiko a, “Topa aw, a thahat le a zawngkhal a kidona ah a huh dingin nang tawh a kibang kuamah dang om lo hi. Kote hong huh in, Topa koteʼ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, koteʼ Pasian na hi hi; mite kizosak kei in,” a ci hi.

2 KUMPI NIHNATE 16:2

Ahaz in uk ding a kipatin kum sawm nih pha a, Jerusalem ah kum sawm le kum guk sung uk hi. A pu Davidʼ gamtatna sa bangin a Pasian, Topaʼ mitah amah a manin gamta lo a,

Thukhente 8:33

Gideon a sih khit phetin Israel mite kiheikikin Baal-te bia uh a, a pasian dingun Baal-berith a bawl uh hi.

Thukhente 2:18

Topa in amaute adingin thukhente a khansak sialin Topa in thukhente huh a, thukhenteʼ nuntak sung tawntung a galte uh khut sung panin amaute hon hi. Bang hang hiam cih leh amaute a gimsak a nengniamteʼ hangin amauʼ tauna in Topaʼ hehpih nading piangsak hi.

Thukhente 2:11

Tua ciangin Israel mite, Topaʼ muhna ah a sia gamta-in Baal-teʼ na sem uh hi.

2 KUMPI NIHNATE 14:3

Topaʼ mitah amah a manin gamta a, ahi zongin a pu David bang zo lo hi. A pa Joashʼ hih sa na khempeuh hih hi.

1 KUMPI MASATE 22:43

Amah in a pa Asaʼ khekhap tawn a, tua lampi panin pial loin, Topaʼ muhna ah a manin gamta hi. Ahi zongin mual tunga biaknate kila khia lo a, mite in tuate tungah biakna pia lai-in paknamtui hal uh hi.

2 KHANG TANGTHU NIHNATE 17:2

Amah in Judah khuapi kulhneite khempeuh ah galkapte koih a, Judah gam sung le a pa Asa in a lak sa Efraim khuapite sungah khuacingte a koih hi.

2 KHANG TANGTHU NIHNATE 17:4

Israel-teʼ gamtat bang hi loin ama paʼ Pasian zongin ama thupiakna a zui hi.

2 KHANG TANGTHU NIHNATE 21:12

Tua ciangin kamsang Elijah tung panin ama kiangah laikhak khat hong tung a, “Na pu Davidʼ Pasian, Topa in hih bangin ci hi: ‘Na pa Jehoshafatʼ gamtat bang le Judah kumpi Asaʼ gamtat bangin gamta loin,

1 SAMUEL MASA 18:5

Saul in a sawlna mun khempeuh ah David in a maa tun hi. Tua ahih ciangin Saul in galkapte a uk dingin amah a koih hi. Mi khempeuh le Saulʼ nasemte in zong hih thu hoih a sa uh hi.

1 SAMUEL MASA 18:12

Saul in David kihta hi; bang hang hiam cih leh Topa in amah ompih a, ahih hangin Saul kiang panin amah kihem khia khinta hi.

1 SAMUEL MASA 18:14

David in a sepna khempeuh ah a maa tun hi; bang hang hiam cih leh Topa in amah ompih hi.

1 KUMPI MASATE 3:3

Solomon in Topa itin, a pa Davidʼ thukhamte zui hi. Ahi zongin amah in mual tunga biaknate ah biakna pia-in paknamtui hal hi.

2 KHANG TANGTHU NIHNATE 20:32

Amah in a pa Asaʼ gamtat bang mahin Topaʼ muhna ah a man na sem hi.

2 KHANG TANGTHU NIHNATE 22:9

Amah in Ahaziah zong a, Samaria ah a buk laitakin amah kiman a, tua ciangin Jehu kiangah amah kipaipihin kithat hi. Amaute in amah vui uh hi; bang hang hiam cih leh amaute in, “Amah pen a lungsim khempeuh tawh Topa a zong Jehoshafatʼ tupa ahi hi,” ci uh hi. Tua ciangin Ahaziah innkuante in kumpi gam a uk zo ding mi khat zong nei nawn lo uh hi.

2 KHANG TANGTHU NIHNATE 27:6

Tua ahih ciangin Topa a Pasianʼ mai ah Jotham a hoih tatna tawh kizui-in a vang zong a lian hi.

2 KHANG TANGTHU NIHNATE 29:2

A pu Davidʼ hihnasa khempeuh bangin Topaʼ mitah a man gamta hi.

2 KHANG TANGTHU NIHNATE 34:2

Topaʼ mitah a man gamta a, a pu Davidʼ khekhap zui-in them khat zong lampial lo hi.

Mattiu 25:16

Tul nga a ngah pa in sum bawlna-in zang pah a, a meet tul nga mah a ngah thuah hi.