2 KHANG TANGTHU NIHNATE 16:9 - Tedim Bible Revision 2017

⁹ Bang hang hiam cih leh ama lamah a lungsim a paubaang lo miteʼ tangin ama vangliatna a lak dingin Topaʼ mit in leitung khempeuh en kawikawi hi. Hih thu ah na hai gamtat khin hi; bang hang hiam cih leh tu a kipan gal na do ding hi,” a ci hi.

Tedim Bible

⁹ Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

2 KHANG TANGTHU NIHNATE 16:9 Referans Kwoze

1 PETER MASA 3:12

Topa in a thuman mite mu a, amauteʼ thungetna pia tawntung hi. Ahi zongin a gamtat sia mite Topa in a langbawl hi,” na ci hi.

Paunak 15:3

Topaʼ mit in mun khempeuh mu a, misia, mipha, hong encik kim hi.

Jeremiah 16:17

Bang hang hiam cih leh a om dan khempeuh uh ka mitin ka mu a, keiʼ kiang panin a kiseel bangmah om lo hi. A khialhna khempeuh uh zong ka mu hi.

Paunak 5:21

Bang hang hiam cih leh Pasian in na gamtatna khempeuh hong mu a, na paina khempeuh ah nang hong en kawikawi hi.

Late 34:15

Topaʼ mit in thuman miteʼ lam en a, amauʼ kikona lamah a bil a ngat hi.

JOB (Job) 34:21

Pasian in mihingteʼ gamtatna khempeuh hong encik a, i kalsuanna themno dongin hong mu khin hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Zekhariah 4:10

A maa uh a telh loh manun ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte pen, leitung khempeuh a etna Topaʼ mittang sagih ahi hi,” hong ci hi.

Jeremiah 32:19

na ngimnate lian mahmah a, na sepnate thupi mahmah hi. Miteʼ nuntak zia khempeuh na mu a, amauʼ nuntak dan le a sepna tawh kizui-in mi khempeuh tungah thaman na pia kim hi.

2 KHANG TANGTHU NIHNATE 6:20

Na nasem pa in hih mun lamah hong thungetna na zak theih nadingin nangmah in na min koih nadingin na ciam sa mun hih biakinn lam sun le zanin hong en in.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi adingin nopna a om hi.

Galati 3:1

Galati mihaite aw, singlamteh tungah Jesu Khris a sihna thu teltakin na theih sa uh ahih manin kuaʼ khem sa-in hici thei mawk na hi uh hiam?

Luka 12:20

Ahi zongin Pasian in ama kiangah, ‘Mihai pa aw, tu zan mahmah in na si ding hi. Hih na neihsa teng kuaʼn zang nawn ding ahi hiam?’ ci hi,” a ci hi.

1 KHANG TANGTHU MASATE 21:8

Tua ciangin David in Pasian kiangah, “Hih ka nasepna ah nakpi takin ka khial hi. Tua ahih ciangin tu-in nang tungah kong thum hi; na nasem paʼ mawhna hong maisak in; bang hang hiam cih leh a haihuai mahmah in ka gamta kha khin hi,” a ci hi.

2 KUMPI NIHNATE 20:3

“Nangma mai ah thuman tak le ka lungsim khempeuh tawh ka gamtatna le nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin a kap hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; Topa na Pasianʼ hong thupiakna na zui kei hi; bang hang hiam cih le Topa in Israel-te tungah kumpi dingin nang le na suanlekhakte a kipsak suak ding ahi hi.

1 KUMPI MASATE 15:32

Amauʼ hunsung khempeuh Asa le Israel kumpi Baasha kikalah gal kidona a om hi.

1 KORIN MASA 15:36

Tua bang ngaihsutna haihuai mahmah hi. Khaici na tuh uh ciangin a muat lopi-in hong po thei lo hi.

2 KHANG TANGTHU NIHNATE 15:17

Ahih hangin Israel gam sung panin mual dawna biakpiaknate kila khia lo hi. Ahi zongin ama hunsung tawntung Asaʼ lungsim paubaang lo hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

2 SAMUEL NIHNA 24:10

Ahih hangin mi a sim khit ciangin Davidʼ lungsim in a mahmah gimsak hi. Tua ciangin David in Topaʼ tungah, “Ka gamtatna sa sungah nakpi takin ka khial hi. Ahih hangin, tu-in, Topa aw, nang tungah kong thum hi; na nasem paʼ mawhna hong maisak in; bang hang hiam cih leh ka hai gamtat kha khin hi,” a ci hi.

2 KHANG TANGTHU NIHNATE 16:10

Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh a gimsak hi.

JOB (Job) 31:4

Pasian in ka gamtatna khempeuh thei a, ka kalsuanna khempeuh a hong mu hi.

Late 33:15

Amauʼ lungsim a bawlpa in amauteʼ gamtatnate en gige hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khuaʼ mawhna ka maisak ding hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.

Piancilna 31:28

Bang hangin ka tapate le ka tanute mangpha khakna hong namsak lo na hi hiam? Tu-in na hai gamtat khin hi.

2 KHANG TANGTHU NIHNATE 15:19

Asaʼ uk kum sawm thum le nga ciang dong gal kidona om nawn lo hi.

2 KHANG TANGTHU NIHNATE 19:9

Tua ciangin amah in amaute thuhilh a, “Topa zahtakna, cihtakna le na lungsim khempeuh uh tawh hih bangin na hih ding uh hi:

Ezra 5:5

Ahi zongin Pasian in Judah upate huh ahih manin Darias kiangah a thu va tungin ama tung pan thu a kingahkik hun dong a nasep zop suakna uh kikhak tan lo hi.

JOB (Job) 28:24

Bang hang hiam cih leh amah in leimong dong mu a, vantung nuai ah a om na khempeuh a mu thei hi.

Late 33:14

A tutna mun panin amah hong dak khia-in, leitung mite a en hi.

Late 33:18

Amah a zahtakte, a itna kip lametna a neite, sihna panin hon khia-in, kialpi hun sungin amaute a hin kep theih nadingin Topa in amaute en tawntung hi.

Isaiah 31:1

Egypt gamah huhna ngen dingin pai suk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-teʼ Siangtho Pa a suang lo, Topa thu a dong lote in gimna ngah tahen!