2 KHANG TANGTHU NIHNATE 16:3 - Tedim Bible Revision 2017

³ “Ka pa le na pa a kipawl mah bangin kei le nang i kipawl hi. Tu-in ngun le kham kong puak hi. Kei kiang panin amah a nungkik theih nadingin pai inla Israel kumpipa Baasha tawh na kipawlna va su tat in,” a ci hi.

Tedim Bible

³ “Ka pa leh na pa a kipawl mah bangin kei leh nang i kipawl hi; en in, ngun, leh kham kong puak hi; kei kiang panin amah a nungkik theih nadingin pai in la, Israel kumpipa Baasha tawh na kipawlna va sutat in,” a ci hi.

2 KHANG TANGTHU NIHNATE 16:3 Referans Kwoze

Late 15:4

migilote thusim lo a, ahi zongin Topa a zahtakte a pahtawi mi, ama nat nading nangawn ah a ciampel lo mi,

2 TIMOTI NIHNA 3:3

mi khual loin, hehpihna nei loin, mi gensia-in, ngongtatin, kihtakhuai-in, thuhoih deih loin,

2 KORIN NIHNA 6:16

Pasianʼ biakinn le lawkiteʼ milim bangci kilem theih ding ahi hiam? Bang hang hiam cih leh Pasian in, “Ka mite lakah teengin amaute tawh ka om khawm ding hi. Kei pen amauteʼ Pasian ka hi dinga, amaute, keima mi ahi ding uh hi.

2 KHANG TANGTHU NIHNATE 19:2

Ahih hangin amah a dawn dingin Hananiʼ tapa, thumu pa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topaʼ hehna nang tungah hong tung zo hi.

2 KHANG TANGTHU NIHNATE 18:3

Israel kumpipa Ahab in Judah kumpipa Jehoshafat kiangah, “Ramoth-gilead ah kei tawh nong kuan ding hiam?” a ci hi. Amah in dawngin, “Kei pen nangmah bang ka hi a, ka mite zong nangma mite mah bang ahi hi. Kote pen galsimna ah nang tawh kong kuan ding uh hi,” a ci hi.

2 SAMUEL NIHNA 21:2

Tua ahih ciangin kumpipa in Gibeon mite sam hi. Tu-in Gibeon mite pen Israel-teʼ sung hi loin Amor mi a omlaite ahi uh hi. Amaute a hingkhawi ding Israel mite kiciam khin napi-in, Israel le Judah mite ading a deih luatna-in Saul in amaute thah dingin hanciam hi.

Thukhente 2:2

hih gam a teeng mite tawh thuciamna na bawl kei ding uh hi. Amauʼ biakna taute na susia ding uh hi,’ ka hong ci hi. Ahih hangin note in ka thupiakna na mang kei uh hi. Bang hangin leh gamtat na hi uh hiam?

Paikhiatna 32:21

Moses in Aaron kiangah, “Amauteʼ tungah khialhna lianpi khat na tunpih nadingin hih mite in nangʼ tungah bang hong gen uh ahi hiam?” a ci hi.

1 KUMPI MASATE 15:16

Amauʼ hunsung tawntung Asa le Israel kumpi Baasha kikalah gal kidona om hi.

2 KHANG TANGTHU NIHNATE 16:2

Tua ahih ciangin Asa in Topaʼ biakinn le kumpipaʼ inn-a van manpha koihnate panin ngun le kham la-in, Damaskas ah a teeng Syria kumpipa Benhadad kiangah tuate puakin,

2 KHANG TANGTHU NIHNATE 16:4

Tua ciangin Benhadad in Kumpi Asaʼ thu ngai-in Israel khuapite a sim dingin a galkap ukte sawl a, amaute in Ijon, Dan, Abelmaim le Naftali vankoihna khuapite a zo uh hi.