2 KHANG TANGTHU NIHNATE 16:1 - Tedim Bible Revision 2017

¹ Asaʼ uk a kum sawm thum le gukna kumin Judah a simin Israel kumpipa Baasha pai to a, Judah kumpipa Asa kiang panin kuamah a paikhiat theih loh nading le ama kiangah kuamah a pai theih loh nadingin Ramah khua a phut hi.

Tedim Bible

¹ Asa’ uk kum sawmthum-le-gukna kumin Judah do-in Israel kumpipa Baasha paito a, Judah kumpipa Asa kiang pan kuamah a paikhiat theih loh nading leh ama kiangah kuamah a pai theih loh nadingin Ramah khua phut hi.

2 KHANG TANGTHU NIHNATE 16:1 Referans Kwoze

2 KHANG TANGTHU NIHNATE 15:9

Tua ciangin amah in Judah le Benjamin mi khempeuh le Efraim, Manasseh le Simeon sung panin amaute kiangah a peemte zong a khawm hi; bang hang hiam cih leh Topa a Pasian in amah a ompihna thu amaute in a muh uh ciangin Israel-te kiang panin mi tampi tak ama kiangah tai uh hi.

2 KHANG TANGTHU NIHNATE 15:5

Tua hun lai-in nasemin mite a zin suk a zin tohna uh ah lungmuanna om lo a, gam khempeuh ah buaina om hi.

1 KUMPI MASATE 12:27

Jerusalem-a Topaʼ biakinn ah biakna pia dingin hih mite pai to leh, hih miteʼ lungsim Judah kumpi Rehoboam, a topa uh lamah kiheikik kha dinga, amaute in kei hong thatin Judah kumpi Rehoboam kiangah ciahkik ding uh hi,” ci hi.

2 KHANG TANGTHU NIHNATE 15:19

Asaʼ uk kum sawm thum le nga ciang dong gal kidona om nawn lo hi.

2 KHANG TANGTHU NIHNATE 16:2

Tua ahih ciangin Asa in Topaʼ biakinn le kumpipaʼ inn-a van manpha koihnate panin ngun le kham la-in, Damaskas ah a teeng Syria kumpipa Benhadad kiangah tuate puakin,

Jeremiah 41:9

Ishmael in a thah sa misi luanghawm khempeuh a paihna tuikhuk pen a gol khat hi a, kumpipa Asa in Israel kumpipa Baasha a nan nadingin a bawl ahi hi. Nethaniahʼ tapa Ishmael in a thah sa misi luanghawmte tua tuikhuk a dimsak hi.

Jeremiah 40:1

Kol kibulhin Jerusalem khua le Judah gam a saltangte khempeuh tawh Babylon khua ah hong kipuak khit ciangin Ramah khua panin kumpi cing galkap maang Nebuzaradan in hong khah khiakik hi. Tua khit ciangin Topa in kei a hong hopih hi.