2 KHANG TANGTHU NIHNATE 15:9 - Tedim Bible Revision 2017

⁹ Tua ciangin amah in Judah le Benjamin mi khempeuh le Efraim, Manasseh le Simeon sung panin amaute kiangah a peemte zong a khawm hi; bang hang hiam cih leh Topa a Pasian in amah a ompihna thu amaute in a muh uh ciangin Israel-te kiang panin mi tampi tak ama kiangah tai uh hi.

Tedim Bible

⁹ Tua ciangin amah in ‘Judah leh Benjamin mi khempeuh, leh Efraim, Manasseh, leh Simeon sung panin amaute kiangah a peemte khawm hi; bang hang hiam cih leh Topa a Pasian amah tawh a omna thu amaute in a muh uh ciangin Israelte kiang panin mi tampi tak ama kiangah tai uh hi.

2 KHANG TANGTHU NIHNATE 15:9 Referans Kwoze

2 KHANG TANGTHU NIHNATE 11:16

Tua ciangin Israel Topa Pasian zon ding a lungsim uh ah a khensat khin mite in amauʼ pute pateʼ Pasian, Topa tungah biakna a pia dingin Israel minam khempeuh sung panin amauʼ nung zui-in Jerusalem ah hong pai uh hi.

Sawltak 9:31

Tua ahih manin Judea gam, Galilee gam le Samaria gam sunga om pawlpite in bawlsiatna thuak nawn loin nuam takin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

2 KHANG TANGTHU NIHNATE 30:25

Judah mi a kikhawm khempeuh le siampite le Levi mite le Israel panin a hong paikhia a kikhawm khempeuh le Israel gam panin a hong paikhia peemtate le Judah gam sungah a teeng peemtate, lungdam uh hi.

1 KHANG TANGTHU MASATE 12:19

Saul a do dingin Filistia mite tawh David a kuan laitakin Manasseh mi pawl khat tai-in David a beel hi. (Ahi zongin David in Filistia mite huh thei lo hi; bang hang hiam cih leh Filistia mi a ukte in thu kikupna khat nei uh a, “Eiteʼ makaiteʼ siat nadingin a topa Saul kiangah David tai ding hi,” ci-in amah sawl khia uh hi.)

1 KUMPI MASATE 12:19

Tua ahih ciangin tu ni dongin leilu lam Israel-te in Davidʼ suanteʼ ukna lehdo uh hi.

1 KUMPI MASATE 3:28

Tua ciangin Israel mi khempeuh in kumpipaʼ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdang sa-in a om uh hi.

1 SAMUEL MASA 18:28

Ahih hangin Topa in David a ompihna le Israel-te khempeuh in amah a itna thu Saul in a muh ciangin

Piancilna 39:3

Topa in amah a ompihna le Topa in ama khut sungah a hih khempeuh a mavansakna a topa in mu hi.

2 KHANG TANGTHU NIHNATE 15:10

Asaʼ uk kum sawm le kum ngana a kha thumna sungin Jerusalem ah amaute kikhawm uh hi.

Ezekiel 37:16

“Mihing ahi Ezekiel aw, sing ciangkhut khat la inla a tungah, ‘Judah kumpi gam,’ ci-in gelh in. Tua ciangin a dang khat la leuleu inla a tungah, ‘Israel kumpi gam,’ ci-in gelh leuleu in.

Piancilna 26:28

Amaute in, “Nang tawh Topa a omna teltakin ka mu uh hi. Tua ahih ciangin, kote in nang hong su kha loin, nangʼ tungah bangmah hong hih loin, a hoihin gamta-in lungnuam takin kong sawlkhiat mah bangun koteʼ tungah nang in siatna nong bawl loh nadingin nang le koteʼ kikalah kiciamna khat om henla, nang tawh thuciamna khat bawl ni, a ci hi ung. Nang pen tu-in Topaʼ thupha piak na hi hi,” a ci uh hi.

2 KHANG TANGTHU NIHNATE 19:4

Jerusalem ah Jehoshafat teeng hi. Tua ciangin Beer-sheba panin Efraim mual tung gam ciang dong mite lakah zin kawikawi a, amauʼ pute pateʼ Pasian, Topa kiangah amaute tunpihkik hi.