2 KHANG TANGTHU NIHNATE 15:11 - Tedim Bible Revision 2017

¹¹ Tua ni-in amaute in gal sung panin a ciahpih uh nate sung panin bawngtal za sagih le tuu tul sagih tawh Topaʼ tungah biakna a pia uh hi.

Tedim Bible

¹¹ Tua ni-in amaute in gal sung panin a ciahpih uh nate sung panin bawngtal za sagih leh tuu tul sagih tawh Topa tungah biakna pia uh hi.

2 KHANG TANGTHU NIHNATE 15:11 Referans Kwoze

2 KHANG TANGTHU NIHNATE 7:5

Kumpi Solomon in biakna-in bawngtal tul sawm nih le tul nih le tuu tul za khat le tul sawm nih pia hi. Tua bangin kumpipa le mi khempeuh in Pasianʼ biakinn a ap uh hi.

2 KHANG TANGTHU NIHNATE 1:6

Tua ciangin kikhopna buk ah a om Topaʼ mai-a sumngo biakna tau ah Solomon pai to-in tua tungah meihal biakna ganhing tul khat a pia hi.

1 SAMUEL MASA 15:21

Ahih hangin mite in a kinusiate, tuute le bawngtalte, suksiat dinga a ki-ap na hoih pente Gilgal ah Topa na Pasian piak dingin la uh hi,” a ci hi.

1 SAMUEL MASA 15:15

Saul in, “Amaute in Amalek-te kiang panin tuate hong paipih uh hi; bang hang hiam cih leh Topa na Pasian tungah biakna piak nadingin a limci pen tuute le bawngtalte mite in siit uh a, a dangte ka that mangkhin uh hi,” a ci hi.

Gamlak-vakna 31:50

Kote in Topaʼ mai ah ko adingin kilemna bawl nading, Topa biak nadingin kham tawh a kibawl nate, banbuhte le taaute, min gelhna zungbuhte, bilbahte le khite ka muh ciat uh kong puak uh hi,” hong ci uh hi.

2 KHANG TANGTHU NIHNATE 15:10

Asaʼ uk kum sawm le kum ngana a kha thumna sungin Jerusalem ah amaute kikhawm uh hi.

2 KHANG TANGTHU NIHNATE 14:12

Tua ahih ciangin Topa in Asa le Judah miteʼ mai ah Ethiopia mite zo a, Ethiopia mite tai uh hi.