2 KHANG TANGTHU NIHNATE 14:7 - Tedim Bible Revision 2017

⁷ Tua ciangin amah in Judah mite kiangah, “Hih khuapite lamin kulhpite le tausangte, kulh kongpite le zawlte tawh um ni. Eite in Topa i Pasian zong ihih manin leitang pen eima aʼ hi lai hi. Eite in amah i zong a, amah in i kiim khempeuh panin galdaihna hong pia hi,” a ci hi. Tua ahih ciangin amaute in khuapite lamin kulh tawh um uh a, maavang uh hi.

Tedim Bible

⁷ Tua ciangin amah in Judah mite kiangah, “Hih khuapite lamin kulhpite leh tausangte, kulhkongpite leh zawlte tawh um ni; eite in Topa i Pasian zong i hih manin leitang in eima’ aa hi lai hi; eite in amah i zong a, amah in i kiim khempeuh panin kilemna hong pia hi,” a ci hi. Tua ahih ciangin amaute in khuapi lam uh a, mavang uh hi.

2 KHANG TANGTHU NIHNATE 14:7 Referans Kwoze

1 PETER MASA 3:12

Topa in a thuman mite mu a, amauteʼ thungetna pia tawntung hi. Ahi zongin a gamtat sia mite Topa in a langbawl hi,” na ci hi.

2 KHANG TANGTHU NIHNATE 14:6

Tua gamah gal dai ahih manin Judah gam sungah kulh a nei khuapite a lam hi. Topa in ama tungah galdaihna hun pia ahih manin tua hun sungin amah in galdona nei lo hi.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

Sawltak 9:31

Tua ahih manin Judea gam, Galilee gam le Samaria gam sunga om pawlpite in bawlsiatna thuak nawn loin nuam takin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Johan 9:4

Sun khuavak lai teng kei hong sawl paʼ na i sem ding hi. Kuamah in na a sep theih loh zan hun zong hong tung ding hi.

2 KHANG TANGTHU NIHNATE 32:5

Amah in lungsim kho takin sep ding kipan a, a cim sa kulh khempeuh ciang pha-in tua tungah tausangte koih to a, tua pua lamah kulh dang khat a ciang hi. Amah in David khuapi sungah Millo a muanhuai-in a bawl pha hi. Amah in galhiamte le lumte zong tampi bawl hi.

2 KHANG TANGTHU NIHNATE 14:4

amauʼ pute pateʼ Pasian, Topa zongin thukham le thupiaknate a zuih nadingun Judah mite thu a pia hi.

2 KHANG TANGTHU NIHNATE 8:5

Amah in khuapi kulh, kongpite le zawlte a nei Beth-horon Tungnung le Beth-horon Nuainung,

Joshua 23:1

Topa in amauʼ kiim a om gal khempeuh panin Israel mite tungah lungmuanna a piak khit a sawtpi ciangin Joshua teekin a kum tampi pha ta hi.

2 KHANG TANGTHU NIHNATE 15:15

Tua ciangin Judah mi khempeuh tua kiciamna ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong uh hi. Tua ciangin amaute in amah mu uh a, Topa in a kiim uh ah amaute galdaihna a pia hi.

2 KHANG TANGTHU NIHNATE 20:30

Tua ahih ciangin Jehoshafatʼ ukna gam sung gamdai hi; bang hang hiam cih leh a Pasian in ama kiimah galdaihna a pia hi.

1 KUMPI MASATE 15:23

Tu-in Asaʼ gamtatna a omlaite khempeuh, ama thahatna khempeuh, ama sep khempeuh le ama lam khuapite, Judah Kumpiteʼ Khang Tangthu Laibu sungah kigelh hi. Ahih hangin a teek ciangin a khete ah natna khat a nei hi.

2 KHANG TANGTHU NIHNATE 17:13

amah in Judah khuapite sungah van tampi a nei hi. Amah in a thahat a hang galkapte Jerusalem ah a nei hi.

2 KHANG TANGTHU NIHNATE 17:17

Benjamin sung panin: A thahat a galhang Eliada hi a, thal le lum a tawi mi tul za nih tawh ahi hi.

2 KHANG TANGTHU NIHNATE 25:5

Tua ciangin Amaziah in Judah mite khawm a, a tul-a ukte le a za-a ukteʼ khutnuai ah Judah mite le Benjamin mite a behbeh, a pawlpawlin a koih hi. Amah in kum sawm nih le a tungsiah a pha mite khawm a, galsim dingin a hoih, teipi le lum a zang thei, a kiteng khia mihing tul za thum a pha hi.

2 KHANG TANGTHU NIHNATE 26:13

Amauteʼ ukna nuai ah galdona ah kumpipa a huh dingin thahatna tawh gal a do thei ding galkap tul za nga om hi.