2 KHANG TANGTHU NIHNATE 14:6 - Tedim Bible Revision 2017

⁶ Tua gamah gal dai ahih manin Judah gam sungah kulh a nei khuapite a lam hi. Topa in ama tungah galdaihna hun pia ahih manin tua hun sungin amah in galdona nei lo hi.

Tedim Bible

⁶ Tua gamah gal dai ahih manin Judah sungah kulh a nei khuapite lam hi. Topa in ama tungah kilemna pia ahih manin tua kum sungin amah in galdona nei lo hi.

2 KHANG TANGTHU NIHNATE 14:6 Referans Kwoze

2 KHANG TANGTHU NIHNATE 15:15

Tua ciangin Judah mi khempeuh tua kiciamna ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong uh hi. Tua ciangin amaute in amah mu uh a, Topa in a kiim uh ah amaute galdaihna a pia hi.

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat het kei taleh zong, kuamah in bangmah cih thei tuan lo ding hi.

1 KHANG TANGTHU MASATE 22:9

En in, nangma sung panin tapa khat hong piang dinga, amah pen lungnopna a nei mi hi ding hi. Keimah in a kimkot a, a galte khempeuh panin ama tungah lungnopna ka pia ding hi; bang hang hiam cih leh ama min Solomon hi dinga, ama hun sungin Israel tungah lungnopna le daihna ka pia ding hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a hal tum hi.

1 KUMPI MASATE 5:4

Ahih hangin tu-in Topa ka Pasian in na khempeuh ah tawlngakna kei tungah hong pia hi. Hong langpang ahi a, thusia ahi zongin om lo hi.

Thukhente 5:31

“Tua ahih ciangin na gal khempeuh si khin uh hi, Topa! Ahih hangin na lawmte pen a vangliatna tawh a suak ni bang tahen,” a ci uh hi. Tua ciangin tua gam in kum sawm li sung tawlngakna hun a nei hi.

Thukhente 3:30

Tua ahih ciangin tua ni-in Moab gam pen Israel-teʼ khutnuai a suak hi. Tua gam in kum sawm giat sung tawlngakna a nei hi.

Thukhente 3:11

Tua ahih ciangin a gam in kum sawm li sung tawlngakna hun nei hi. Tua ciangin Kenazʼ tapa Othniel a si hi.

Joshua 23:1

Topa in amauʼ kiim a om gal khempeuh panin Israel mite tungah lungmuanna a piak khit a sawtpi ciangin Joshua teekin a kum tampi pha ta hi.

2 KHANG TANGTHU NIHNATE 20:30

Tua ahih ciangin Jehoshafatʼ ukna gam sung gamdai hi; bang hang hiam cih leh a Pasian in ama kiimah galdaihna a pia hi.

1 KHANG TANGTHU MASATE 22:13

Tua ciangin Israel-te adingin Topa in Moses a piak thukhamte le biakna ngeina kipte zuih ding na kidop nakleh na maavang ding hi. Thakhauh inla hang in. Lau kei inla lungkia kei in.

2 KHANG TANGTHU NIHNATE 17:4

Israel-teʼ gamtat bang hi loin ama paʼ Pasian zongin ama thupiakna a zui hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariahʼ hun sungteng amah in Pasian zong hi. Amah in Topa a zon lai teng, Pasian in amah daupaisak hi.

2 KHANG TANGTHU NIHNATE 31:21

Amah in Pasianʼ biakinn sung nasepna le thukham le thupiaknate tawh kizui-in a hihna ah ama Pasian zongin, a lungsim khempeuh tawh sem a, a maa a vang hi.

2 KHANG TANGTHU NIHNATE 34:3

Ama uk a kum giatna sung, naupang ahi laipi mahin, amah in a pu Davidʼ Pasian zon ding kipan hi. A kum sawm le kum nihna ciangin amah in Judah le Jerusalem panin mual dawna biaknate, Asherah milimte le a kiseek le a kisung milimte beisiangsak ding kipan hi.