2 KHANG TANGTHU NIHNATE 14:3 - Tedim Bible Revision 2017

³ Amah in gamdang biakna taute le mual dawna biakpiakna munte la khia-in, biakna songte supai-in Asherah milimte phuk a,

Tedim Bible

³ Amah in gamdang biaknataute leh mual dawn-a biakpiakna munte la khia-in, khuampite supai-in Asherah milimte phuk a,

2 KHANG TANGTHU NIHNATE 14:3 Referans Kwoze

Thu-hilhkikna 7:5

Amaute tungah hih bangin note na gamta ding uh hi: A biakna taute uh phelsakin, a biakna songte uh deng zanin, amauʼ Asherah milimte phuksakin, a kiseek a milimte uh mei tawh na hal ding uh hi.

2 KUMPI NIHNATE 23:14

Tua ciangin amah in a biakna songte sat khamin, Asherah milimte phuk a, mihing guh tawh a dim tua munte a vuk hi.

Paikhiatna 34:13

Nangmah in amauʼ biakna taute phelin, amauʼ biakna khuamte kuaitanin, amauʼ Asherah milimte na phukpai ding hi.

2 KHANG TANGTHU NIHNATE 15:17

Ahih hangin Israel gam sung panin mual dawna biakpiaknate kila khia lo hi. Ahi zongin ama hunsung tawntung Asaʼ lungsim paubaang lo hi.

2 KHANG TANGTHU NIHNATE 34:4

Tua ciangin amah in Baal-teʼ biakna taute ama muhna ah su paisak hi. Tua ciangin amah in tuate tungah a om paknamtui biakna taute phuk a, Asherah milimte le a kiseek le a kisung milimte sukhamin gawivui a, tuateʼ tungah biakna a pia miteʼ han tungah tua a vuite a theh hi.

2 KUMPI NIHNATE 23:6

Tua ciangin amah in Topaʼ biakinn panin Jerusalem pualam, Kidron lui ah Asherah nusian milim paikhiat pihin hal a, tua ciangin amah in sat vui-in mi nautangteʼ han tungah a vuite lawn hi.

2 KUMPI NIHNATE 18:4

Amah in mual tunga biaknate hem khia-in biakna songte sutan a, Asherah milim phukpai hi. Tua ciangin amah in Mosesʼ bawl sa sumngo gulpi satnen hi; bang hang hiam cih leh tua ni dongin Israel mite in tua tungah paknamtui hal uh hi; tua pen Nehushtan kici hi.

Thu-hilhkikna 7:25

A kiseek amauʼ pasian milimte mei tawh na hal ding uh hi. Tua nate ah na awk khak loh nadingun amauteʼ tunga a om kham le ngun deihgawh loin, note adingin na la kei ding uh hi. Bang hang hiam cih leh tua pen Topa na Pasian uh tungah a kihhuai ahi hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, noteʼ milimʼ siluang hawmte tungah na luanghawmte uh ka pai dinga, keimah in note kong kih ding hi.

2 KHANG TANGTHU NIHNATE 14:2

Tua ciangin Asa in ama Pasian, Topaʼ mitah a hoih le a man na sem hi.

2 KHANG TANGTHU NIHNATE 14:4

amauʼ pute pateʼ Pasian, Topa zongin thukham le thupiaknate a zuih nadingun Judah mite thu a pia hi.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

2 KHANG TANGTHU NIHNATE 33:16

Amah in Topaʼ biakna tau zong koihkikin tua tungah thunuam a biakna le lungdamkohna a pia hi. Tua ciangin amah in Israel Pasian, Topaʼ na a sep nadingun Judah-te thu a pia hi.