2 KHANG TANGTHU NIHNATE 13:7 - Tedim Bible Revision 2017

⁷ Rehoboam khangno lai a, thu khensat thei nai loin, amaute a nial zawh nai loh hun laitakin mi ginalo hon khat Solomonʼ tapa Rehoboamʼ kiimah kikhawmin amah dem uh hi.

Tedim Bible

⁷ Rehoboam khangno lai a, thu khentat thei nai loin, amaute a nial zawh nai loh hun lai takin mi gina lo honkhat Solomon’ tapa Rehoboam’ kiimah kikhawmin amah dem uh hi.

2 KHANG TANGTHU NIHNATE 13:7 Referans Kwoze

2 KHANG TANGTHU NIHNATE 12:13

Tua ahih ciangin Kumpi Rehoboam a mahmah Jerusalem ah kikipsakin a uk hi. Rehoboam in uk ding a kipatin kum sawm nih le khat pha a, Israel minam khempeuh sung panin a min koih nadingin Topa in a teelkhiat khuapi Jerusalem ah amah in kum sawm le kum sagih sung a uk hi. Ama nuʼ min Naamah hi a, Ammon mi ahi hi.

Thukhente 9:4

Tua ciangin amaute in Baal-berith inn panin ngun pek sawm sagih Abimelek pia uh a, amah in ama nung a zui, bangmah-a a kimang lo le thu ngaihsun thei lo mite cialna hi.

Hebru 5:12

Tu-in note pen midang a hilh dingin sia na suah theih ding uh hun hi khin napi-in note mahmah pen Pasianʼ thu a bulpite hilh ding na kisam lai uh hi. Antak ne thei nai loin nawi bek a ne thei lai na hi uh hi.

Titu 1:10

Bang hang hiam cih leh thu a mang lo, thu a mawk gengen, mi a khem thei, a diakdiakin Jew ngeina bangin vun at nading thu a gen tampi tak a om uh hi.

1 KORIN MASA 14:20

Sanggamte aw, na thu ngaihsutnate uh ah naupang bang kei un. Gitlohna lamah naupang bang unla, ahi zongin thu ngaihsutna ah a khangham hi ta un.

Sawltak 17:5

Tua bangin mi tampi in Paulʼ thugen a up uh ciangin Jew mite thangpai uh a, kongzing lakah a vakvai migilo hon khat kaikhawmin a pawlmat uh hi. Khua sung khempeuh buaisak henhanin, mihonte lakah Paul le Silas a kaihkhiat theih nadingun Jasonʼ inn a va sim gawp uh hi.

Isaiah 3:4

Amauteʼ ulian dingin naupangte ka bawl dinga, naungekte in amaute uk ding uh hi.

Thuhilh-sia 10:16

A kumpipa miʼ cih bangbangin gamta lel a, zan khuavak-in zune makai a a nei, gam khat peuhpeuh in lungkhamna thuak hi.

Paunak 28:19

Nakpi takin lo a kho pa hau mahmah a, bangmahin a kimang tum lo na a sem pa zawng mahmah hi.

Paunak 12:11

Nakpi takin lokhote in an hau a, man nei lopi-in hun beisakna in haina ahi hi.

Late 26:4

Mikhialte tawh tukhawm loin, thusim neite tawh ka kipawl kei hi.

JOB (Job) 30:8

Bangmahin a kimang lo hih bang misia honte, mite omna gam sung panin a kihawl khia hi.

2 KHANG TANGTHU NIHNATE 10:16

Kumpipa in amauteʼ thu a ngaih lohna Israel mi khempeuh in a muh uh ciangin mite in kumpipa dawngin, “Davidʼ sungah kote in bang ngah nei ka hi uh hiam? Jessiʼ tapaʼ sungah gamhluah ka nei kei uh hi. Israel-te aw, na inn ciat uh ah ciah un. Rehoboam in ama ading vaihawm tawm tahen,” a ci uh hi. Tua ahih ciangin Israel mi khempeuh a inn ciat uh ah kihem uh hi.

1 KUMPI MASATE 21:13

Tua ciangin mi ginalo nihte hong pai-in ama mai ah tu uh hi. Tua ciangin mi ginalo nihte in miteʼ omin Nabothʼ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pua lamah amah paipih uh a, suang tawh amah deng lum uh hi.

1 KUMPI MASATE 21:10

Ama mai ah mi ginalo nih koihin ama lang khat ah mawhna zongsakin, ‘Nang in Pasian le kumpipa na samsia hi,’ cisak un. Tua ciangin amah la khia unla deng lum un,” a ci hi.

1 SAMUEL MASA 22:2

Tua ciangin a lungkham mi khempeuh, leiba a nei mi khempeuh le a lungkim lo mite khempeuh ama kiangah hong kikhawm uh hi. Amah pen amaute tungah a ukpa a suak hi. Tua lai ah amah tawh mihing za li bang a om hi.

Thukhente 11:3

Tua ciangin a sanggamte kiang panin Jefthah tai-in Tob gam sungah teeng a, bangmah a man lo mite in Jefthah pawmin amah tawh mite su gawpin pai kawikawi uh hi.

Thu-hilhkikna 13:13

mi ginalo pawl khat note lakah hong pai-in, ‘Pai-in pasian dangte va bia ni,’ ci-in na theih ngei lohte uh lamah khuapi sunga teeng mite a paikhiat pihna na zak uh leh,

2 SAMUEL NIHNA 3:39

Sathau kinilh kumpipa hi napi-in tu ni-in ka tha a nem hi. Zeruiahʼ ta hih mite kei adingin haksa lua hi. Gamtat sia pa a gitlohna bangin Topa in thuk tahen!” a ci hi.