2 KHANG TANGTHU NIHNATE 13:12 - Tedim Bible Revision 2017

¹² En un, koteʼ lutangin kote tawh Pasian hong om khawm a, note a do ding sapna peengkul a tum dingin a siampite a galkap peengkulte uh tawh hong om uh hi. Israel mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

Tedim Bible

¹² En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

2 KHANG TANGTHU NIHNATE 13:12 Referans Kwoze

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

Zekhariah 10:5

Kongzing buannawng lakah a galte uh a tuancil gawp galkapte bangin amaute gualzo ding uh a, Topa in a ompih manin amaute in gal a sim uh ciangin a galteʼ sakol galkapte zo gawp ding uh hi.

Hebru 2:10

Na khempeuh ama adingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu ah a makai dingin Jesu a bawl ding a kilawm mah ahi hi.

Ezekiel 17:9

“Tua ahih ciangin Topa Pasian ahi keimah in ka dotnop thu pen: ‘Hih leenggui hingin hoihtakin khang zo ding ahi hiam? Muvanlai masa pen in zungbawhin, a gahte zut khia-in, a hiangte kuaitanin, keu tumsak ding hi lo ahi hiam?’ cihna ahi hi. Tua leenggui bawhkhiat nadingin thahatna ahi a, minam lianpi ahi zongin kisam lo hi.

Jeremiah 50:24

Babylon khua aw, nang thang kong siah a, thei lo na hih manin na awk pah hi. Topa langpang na hih manin nang hong kimu-in hong kiman hi.

Jeremiah 2:37

Nangmah zong tua gam panin maizumna tawh na lu tungah vut khusa-in nong paikhia ding hi; bang hang hiam cih leh p keimah Topa in na muan mite ka nial zo hi; amauteʼ hangin na gualzo ngei kei ding hi.

Isaiah 54:17

Nangmah do nadingin a kibawl hiam peuhmah maavang lo dinga, thukhenna sungah na langah a pang mi khempeuh na nial gawp zo ding hi. Hih thu pen Topa’ nasemteʼ gamhluah le keima kiang panin amauteʼ dikna a kilahna ahi hi, Topa in ci hi,” a ci hi.

Isaiah 45:9

Amah a Bawlpa tawh a kido mipa, beelseek pa tawh a kilehdo leibeel in gimna ngah tahen! Tungman in amah a sek pa kiangah, “Nang in bang bawl na hi hiam, na na bawl in khutlet nei lo hi,” ci-in a thu sel ngam ahi hiam?

Isaiah 8:10

Note kikhawmin thu na vaihawm uh hangin a mawkna suak dinga, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong om khawm hi.

Late 20:7

Mi pawl khat in leengte kisaktheih pih a, mi pawl khat in sakolte kisaktheih pih hi. Ahih hangin eite in Topa i Pasianʼ min bek i kisaktheih pih hi.

JOB (Job) 40:9

Kei zahin nang hat na hi hiam? Keiʼ awging zahin nang aʼ ging zo ding ahi hiam?

JOB (Job) 9:4

Amah pil mahmah a, vanglian mahmah hi. Kua in khauh takin nial a, nial paisuak zo ahi hiam?

2 KHANG TANGTHU NIHNATE 24:20

Tua ciangin siampi Jehoiadaʼ tapa Zekhariahʼ sungah Pasianʼ kha hong lut hi. Tua ciangin amah dingin mite en sukin mite kiangah, “Pasian in hih bangin ci hi: ‘Bang hangin na mavan theih loh nadingun Topaʼ thupiaknate palsat na hi uh hiam? Note in Topa nusia na hih manun amah in note hong nusia hi,’ ci hi,” a ci hi.

Thu-hilhkikna 28:29

Mittawte in khuamial lakah khua a zawt bangin sunin khua na zawt ding uh a, na hihnate uh ah na maavang kei ding uh hi. Note hong kinengniamin na tate uh hong kisut niloh dinga, note hong huh ding kuamah om lo ding hi.

Thu-hilhkikna 20:4

Bang hang hiam cih leh note tungah gualzawhna a hong pia ding, na langte uh hong dosak dingin note tawh hong kuan khawm pa pen Topa na Pasian uh ahi hi,’ ci ding hi.

Gamlak-vakna 31:6

Moses in amaute, minam khat panin tul khat ciat, biakinn nate le patau koh nadingin peengkulte siampi Eleazarʼ tapa Finehas kengsakin ama makaihna tawh gal sungah a kuansak hi.

Gamlak-vakna 23:21

Amah in Jakob mite tungah mawhna mu lo a, Israel mite tungah gamtat siatna mu lo hi. Topa amauʼ Pasian, amaute tawh om a, kumpipa phatna awging amauteʼ lakah om hi.

Gamlak-vakna 14:41

Ahih hangin Moses in, “Bang hangin tu-in Topaʼ thupiakna palsat na hi uh hiam, tangtung lo ding hi lo ahi hiam?

Late 46:7

Vanglian Topa eite tawh hong om khawm a, Jakob Pasian eima belh ahi hi.

2 KHANG TANGTHU NIHNATE 32:8

Amah in mihing thahatna nei a, ahih hangin eite hong huhin i gal hong dosak dingin Topa i Pasian in eite hong ompih hi,” a ci hi. Tua ahih ciangin mite in Judah kumpipa Hezekiahʼ kammalte a muang uh hi.