2 KHANG TANGTHU NIHNATE 13:11 - Tedim Bible Revision 2017

¹¹ Amaute in Topa tungah zing le nitak simin meihal biaknate le a namtui nate ahi paknamtuite pia uh a, kham citak sabuai tungah Ompihna Anlum koihin, a meivakte a kuan nadingin nitak simin kham meivak khuamte a don uh hi; bang hang hiam cih leh kote in Topa Pasianʼ hong sawlnate ka zui uh a, ahih hangin note in amah na nusia uh hi.

Tedim Bible

¹¹ Amaute in Topa’ tungah zing leh nitak simin meihal biaknate leh a namtui nate ahi paknamtui pia a, kham citak sabuai tungah Ompihna Anlum koihin, nitak simin a meivakte a kuan’ nadingin kham meivakkhuamte don uh hi; bang hang hiam cih leh kote in Topa ka Pasian uh hong sawlnate ka zui uh a, ahih hangin note in amah na nusia uh hi.

2 KHANG TANGTHU NIHNATE 13:11 Referans Kwoze

2 KHANG TANGTHU NIHNATE 2:4

En in, Israel-te adingin a tawntung ading a kikipsak sa bangin, ama mai ah a namtui nate ahi paknamtui hal nading le Ompihna Anlum piak tawntung nading le Sabbath nite, Khadet nite le Topa koteʼ Pasian adingin a kiseh sa pawi nite-in zing le nitakin meihal biaknate piak nadingin Topa ka Pasianʼ minin biakinn khat lamin ama tungah a ap ding ka hi hi.

Paikhiatna 29:38

“Tu-in biakna tau tungah na piak tawntung dingte hih bang ahi hi: Nisimin a kizomin kum khat a pha tuuno nihta hi ding hi.

Luka 1:9

Siampiteʼ hih ngei zel bangin biakna tau tungah, paknamtui kua in hal ding, ci-in ai a kisan ciangin Zekhariah in a ngah hi. Tua ahih manin Topaʼ biakinn sungah amah lut a,

Ezekiel 48:11

Hih mun teng pen Zadokʼ suanlekhak siampite ading ahi hi. Bang hang hiam cih leh Israel midangte a gamtat khialh uh ciangin Levi midangte bangin va zui lo uh a, hih mite in citakin keima na hong sem uh hi.

Ezekiel 44:15

Tua ciangin Topa Pasian in keima kiangah, “Zadokʼ suanlekhak Levi mi siampite ahihleh, Israel mi a dangte in kei hong nusiat laitakun, amaute in citakin biakinn sungah keima na hong sem uh ahih manin, tu-in amaute in keima na hong semin, keimah biakna-in sathaute le sasite keima kiangah hong pia ding uh hi.

Ezekiel 44:8

Ka biakinn sungah biakna ngeinate na zui kei uh a, ka biakinn sungah gamdang mite peuh na na semsak uh hi.

Gamlak-vakna 16:46

Moses in Aaron kiangah, “Na paknamtui beel la-in, biakna tau pan a mei a sungah koih inla, a tungah paknamtui koihin, mihonteʼ lakah paipih mengmeng inla, amaute adingin kilemna bawlsak in. Bang hang hiam cih leh Topaʼ kiang panin hehna hong paikhia khin a, gimna kipan khin hi,” a ci hi.

Gamlak-vakna 16:6

Hih bangin gamta un: Korah le a pawlte khempeuh in paknamtui beel la un.

Gamlak-vakna 9:19

Biakbuk tungah ni tampi sung meii a om khinta zongin Israel mite in Topaʼ thupiakna zui-in ding khia tuan lo uh hi.

Piancilna 26:5

Bang hang hiam cih leh Abraham in ka thu mangin, ka sawlna, ka thupiakna, ka ngeina kip le ka thu zui hi,” a ci hi.

2 KHANG TANGTHU NIHNATE 13:10

“Ahih hangin kote ahihleh, Topa pen ka Pasian uh hi a, amah ka nusia kei uh hi. Topaʼ na a sem, Aaronʼ suan ahi siampite le amauʼ nasepna ah a huh dingin Levi mite ka nei uh hi.

Gamlak-vakna 1:53

Ahih hangin Israel mihonte tungah hehna a om loh nadingin thuciamna biakbuk kiimah Levi mite bek in phual sat ding uh a, Levi mite bek in thuciamna biakbuk kem ding uh hi,” a ci hi.

2 KHANG TANGTHU NIHNATE 2:3

Tua ciangin Solomon in Taia kumpi Hiram kiangah thu puak a, “Ten nading inn khat a lam nadingin ka pa David tungah taamtak sing na puak mah bangin kei tungah zong hong puak in.

2 KHANG TANGTHU NIHNATE 4:20

a kigelh sa bangin biakinn sung nung mai ah vak dingin kham citak meivak khuamte le a meivakte;