2 KHANG TANGTHU NIHNATE 12:6 - Tedim Bible Revision 2017

⁶ Tua ciangin Judah uliante le kumpipa kiniamkhiatin, “Topa thuman hi,” a ci uh hi.

Tedim Bible

⁶ Tua ciangin Israel uliante leh kumpipa kiniamkhiatin “Topa thuman hi,” a ci uh hi.

2 KHANG TANGTHU NIHNATE 12:6 Referans Kwoze

Paikhiatna 9:27

Tua ciangin Faro in mi sawlin Moses le Aaron samsakin amaute kiangah, “Tutungin ka khial hi. Topa man hi. Kei le ka mite ka khial uh hi.

Daniel 9:14

Topa Pasian aw, nangmah in kote gim a pia dingin nong kithawi a, na hong pia takpi hi. Bang hang hiam cih leh na hihna khempeuh a thuman hi a, kote in na thu ka hong mang kei uh hi.

Jeim 4:10

Topa mai ah kiniamkhiat un. Tua hileh amah in hong lian bawl ding hi.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasianʼ hong hehpihna lian zaw hi.

ROM (Romans) 10:3

Amaute in Pasian tawh kipawl theih nading lampi man thei loin amau theih tawmna tawh hanciam kha uh ahih manin amah tawh kipawl theih nadingin lampi a khun zui kha lo uh hi.

Luka 18:14

Keʼn kong cih in ah, hih mipa pen Pasian tawh a kilem sa-in a inn ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiat suk dinga, a kiniamkhiatte pen a lianin kibawl ding hi,” a ci hi.

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Daniel 5:22

“Ahih hangin a tapa ahi nangmah Belshazzar in hih thu khempeuh na theih hangin na kiniamkhiat tuan kei hi.

Kah la 1:18

Topa a thutang ahi hi. Bang hang hiam cih leh keimah in ama thu a mang lo ka hi hi. Mun khempeuh ah a om mite aw, ka thugenna hong ngai un. Ka thuaknate hong mu dih un. Ka khangno numei le pasalte salin a kipua khia hi.

Jeremiah 44:10

Tu ni ciang dong note na kiniamkhiat kei uh a, kei hong zahtak loin, note le na pute na pate uh tungah kong piak ka thukhamte le ka ngeinate na zui kei uh hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuak suk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Jeremiah 13:15

Ngai-in na bil uh ngat un; kisathei kei un. Bang hang hiam cih leh Topa in thu a gen zo hi.

Late 129:4

Topa thuman a, amah in migiloteʼ henna khaute su tat khinta hi,” amaute in ci ta uh hen.

JOB (Job) 33:27

Tua ciangin amah in mihonpiteʼ zakna ah, ‘Kei ka khial khin hi. A manin ka gamta kei a, ahi zongin Pasian in kei hong suaktasak hi.

2 KHANG TANGTHU NIHNATE 33:23

A pa Manasseh a kiniamkhiat bangin Topaʼ mai ah amah kiniamkhiat lo a, hih Amon in mawhna tam piangsak semsem hi.

2 KHANG TANGTHU NIHNATE 33:19

Tua ciangin ama thungetna le ama kutna Pasian in a sanna le ama khialhna le a cihtak lohna khempeuh le amah a kiniamkhiat ma-in mual dawna biakpiaknate bawlin Asherah-te le milim dangte a koihna munte thu, Thumuteʼ Khang Tangthu sungah kigelh hi.

2 KHANG TANGTHU NIHNATE 33:12

Amah a lungkham ciangin Topa a Pasian kunh-in a pu a pateʼ Pasianʼ mai ah nakpi takin a mahmah kiniamkhiat hi.

2 KHANG TANGTHU NIHNATE 32:26

Ahi zongin a nung ciangin Hezekiah a lungsim kiphatsakna thu ah amah le Jerusalem-a teeng mite tawh kiniamkhiat uh ahih manin amauteʼ tungah Topaʼ hehna hong tung lo hi.

Thukhente 1:7

Tua ciangin Adonibezek in, “A khutpi le a khepi a ki-attan kumpi sawm sagihte in ka sabuai nuai ah an nengkia tawm ngei uh hi. Ka gamtatna sa bangin Pasian in kei hong thuk hi,” a ci hi. Tua ciangin amaute in Jerusalem ah amah paipih uh a, tua munah amah a si hi.

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

2 KHANG TANGTHU NIHNATE 12:12

Amah a kiniamkhiat ciangin siat cimitna a pian loh nadingin ama tung pan Topaʼ hehna kihei khia hi. Tua tham loin Judah gam sungah thu paizia zong hong hoihsak hi.

2 KHANG TANGTHU NIHNATE 21:2

Jehoshafatʼ tapa Jehoramʼ sanggam pasalte: Azariah, Jehiel, Zekhariah, Azariah, Mikhael le Shefatiah ahi uh hi. Hihte khempeuh, Judah kumpi Jehoshafatʼ tapate ahi hi.