2 KHANG TANGTHU NIHNATE 11:4 - Tedim Bible Revision 2017

⁴ Topa in hih bangin ci hi: “Note na kuan to kei ding uh a, na mipihte uh na sim kei ding uh hi. Mi khempeuh na inn uh ah ciahkik un; bang hang hiam cih leh hih thu pen keima kiang pan hong pai ahi hi,” ci-in gen in,’” a ci hi. Tua ahih ciangin amaute in Topaʼ thu ngai-in ciahkik uh a, Jeroboam a sim dingin kuan lo uh hi.

Tedim Bible

⁴ ‘Topa in hih bangin ci hi: ‘Note na kuanto kei ding uh a, na mipihte uh na do kei ding uh hi. Mi khempeuh na inn uhah ciahkik un; bang hang hiam cih leh hih thu in keima kiang pan ahi hi,’ ci-in gen in,” a ci hi. Tua ahih ciangin amaute in Topa’ thu ngai-in ciahkik uh a, Jeroboam a do dingin kuan lo uh hi.

2 KHANG TANGTHU NIHNATE 11:4 Referans Kwoze

Piancilna 50:20

Note in ahihleh, keiʼ tungah a sia dingin na ngaihsun uh hi. Ahih hangin Pasian in tu hun a mah bangin mi tampite a nuntak theihna a pian nadingin a hoih dingin a ngaihsut ahi hi.

1 PETER MASA 3:8

A tawpna ah kong gen nop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.

Hebru 13:1

Khris sungah unau bangin na ki-itna uh na zomsuak un.

Sawltak 7:26

A zing ciangin Israel mi nih a kilaii mu leuleu a, amaute a phelh dingin kipanin, ‘Lawmte aw, minam khat hi lo na hi uh hiam? Bang hangin khatlekhat tua ci kibawl na hi uh hiam?’ ci hi.

Hosea 8:4

Amaute in kei hong dong loin kumpi ding vaihawm uh a, keiʼ theih pih lohin ulian koih uh hi. A ngun a khamte uh tawh amauʼ siat nading milim a bawl uh hi.

Late 33:11

Topaʼ thungaihsutna kip ngitnget a, ama lungsim ngaihsutna khang tawntungin a kip hi.

1 KUMPI MASATE 22:36

Ni tum pawlin galkapte lakah kikona khat hong om a, “Mi khempeuh ama khuapi ah, mi khempeuh ama gamah!” kici hi.

2 SAMUEL NIHNA 2:26

Tua ciangin Abner in Joab samin, “Mi hih bangin kithat lai ding ahi hiam? A tawpna ah a haksat zawk nading thei lo na hi hiam? A sanggamte uh a delhna panin na mite a kihei nadingin na thupiak ding bang tan sawt lai ding ahi hiam?” a ci hi.

Piancilna 13:8

Tua ciangin Abram in Lotʼ kiangah, “Nang le keiʼ kikal, nangʼ gancingte le keiʼ gancingteʼ kikalah kitotna omsak kei ni. Bang hang hiam cih leh eite beh khat ihi hi.

2 KHANG TANGTHU NIHNATE 11:3

“Judah kumpi Solomonʼ tapa Rehoboam le Judah le Benjamin sunga om Israel mi khempeuh tungah gen in,