2 KHANG TANGTHU NIHNATE 10:6 - Tedim Bible Revision 2017

⁶ Tua ciangin Kumpi Rehoboam in a pa Solomon a nuntak lai-a a mai ah a ding khangham mite thu kup pih a, “Hih mite ka dawn nading ngaihsutna hong bangci piak na hi uh hiam?” a ci hi.

Tedim Bible

⁶ Tua ciangin Kumpi Rehoboam in a pa Solomon a nuntak lai-a a mai-ah a ding khangham mite thu kuppih a, “Hih mite ka dawn’ nading ngaihsutna hong bang ci piak na hi uh hiam?” a ci hi.

2 KHANG TANGTHU NIHNATE 10:6 Referans Kwoze

JOB (Job) 32:7

No a khangham zawte in thu a gen ding kilawm hi, ci-in ka ngaihsun hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko adingin Topa i Pasianʼ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Paunak 27:10

Na lawmte daang koih kei inla, na paʼ lawmte dong nangawn lawm bawl in. Na lungkham ciangin na sanggampa va ko kei in. A gamla ah a om i sanggampa sangin a nai ah a om i veengpa kimang zaw hi.

Paunak 19:20

Thu kigente ngai-in hong kihilhte mang lecin mai lamah na pil ding hi.

Paunak 12:15

Mihaite pen amau mah thuman kisa tawntung a, mipilte in miʼ thugenna ngai nuam uh hi.

2 SAMUEL NIHNA 16:20

Tua ciangin Absalom in Ahithofel kiangah, “Na ngaihsutna hong gen in; bang hih ding ihi hiam?” a ci hi.

2 KHANG TANGTHU NIHNATE 10:5

Amah in amaute kiangah, “Ni thum sung a hun hong pia unla, tua ciangin hong paikik un,” a ci hi.