2 KHANG TANGTHU NIHNATE 1:14 - Tedim Bible Revision 2017

¹⁴ Solomon in leengte le sakol tung tuangte kaikhawm hi. Amah in leeng tul khat le za li le sakol tung tuang mi tul sawm le tul nih nei a, leeng khuapite sung le Jerusalem ah tuate a koih hi.

Tedim Bible

¹⁴ Solomon in leengte leh sakol tung tuangte kaikhawm hi; amah in leeng tulkhat leh zali leh sakol tung tuang mi tulsawm leh tulnih nei a, leeng khuapite sung leh Jerusalem ah tuate koih hi.

2 KHANG TANGTHU NIHNATE 1:14 Referans Kwoze

1 KUMPI MASATE 4:26

Solomon in a leengte adingin buk a nei ciat sakol tul sawm li le sakol tung tuang mi tul sawm le tul nih zong nei hi.

2 KHANG TANGTHU NIHNATE 9:25

Solomon in sakolte le leengte adingin buk tul li le sakol tung tuang mi tul sawm le tul nih nei a, leeng khuapite sungah pawl khat koih a, Jerusalem khua ama kiangah pawl khat koih hi.

1 KUMPI MASATE 9:19

le Solomon in a neih vankoihna khuapi khempeuh le a leengte-aʼ ding khuapite le a sakol tung tuangte ading khuapite le Jerusalem sung, Lebanon sung le ama ukna gam sung khempeuh ah zong Solomon in a lam nop khempeuh a lamkik hi.

1 KUMPI MASATE 10:16

Kumpi Solomon in a kiseek kham tawh kibawl lum lianpi za nih bawl a, lum khat ah kham shekel za guk bei hi.

Thu-hilhkikna 17:16

Amah in ama aituam dingin sakol tampi nei lo ding hi. Topa in no kiangah, ‘Hih lampi tawnin na kilehkik ngei kei ding uh hi,’ hong ci ahih manin, amah in sakolte a lei dingin Egypt gamah mite paisak lo ding hi.

1 KUMPI MASATE 5:6

Tua ahih ciangin Lebanon taamtak singte kei adingin a kiphuk nading thu pia in; ka nasemte in nangma nasemte seppih ding uh a, nangma seh bangin na nasemteʼ thaman ding nang tungah kong pia ding hi; bang hang hiam cih leh Sidon mite bangin sing suih a siam kote lakah khat zong a om lohna na thei hi,” a ci hi.

2 KHANG TANGTHU NIHNATE 8:6

le Baalath le Solomonʼ neih vankoihna khuapite khempeuh, a leengte ading khuapite khempeuh, a sakol tuangte ading khuapite le Solomon in Jerusalem, Lebanon sung le ama ukna gam sung khempeuh ah a lam nop khempeuh zong a lam hi.