2 KHANG TANGTHU NIHNATE 1:10 - Tedim Bible Revision 2017

¹⁰ Hih mite ka uk theih nadingin tu-in pilna le theihna hong pia in; bang hang hiam cih leh hih zahin a tam hih na mite kua in uk zo ding ahi hiam?” a ci hi.

Tedim Bible

¹⁰ Hih mite ka uk theih nadingin tu-in pilna leh theihna hong pia in; bang hang hiam cih leh hih zah-a a tam hih na mite kua in uk zo ding ahi hiam?” a ci hi.

2 KHANG TANGTHU NIHNATE 1:10 Referans Kwoze

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasem pa hong pia in. Bang hang hiam cih leh hih a lian a tam na mite kua in uk zo ding ahi hiam?” a ci hi.

Paunak 4:7

Pilna na ngah nading a thupi masa pen hi a, na neih khempeuh na beilawh zongin na zon ding ahi hi.

2 SAMUEL NIHNA 5:2

A beisa hunte ah, kote tungah Saul kumpi ahih laitakin Israel-te kuan khiat pihin a ciahpih pa pen nangmah na hi hi. Topa in nangma kiangah, ‘Nang pen keima mi Israel-te a cing pa hi-in, Israel-te tungah ulian na hi ding hi,’ hong ci hi,” a ci uh hi.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

2 KORIN NIHNA 3:5

Hih bang sep zawh nadingin kote in siamna nei ung a ci hi loin, sep zawh nading siamna pen Pasian hong piak ahi hi.

Late 119:73

Nangmah in kei hong piangsakin na hong bawl hi. Na thupiaknate ka sin theih nadingin thu theihtelna hong pia in.

Late 119:34

Nangma thute kemin ka lungsim khempeuh tawh ka zuih theih nadingin thu theihtelna hong pia in.

Thu-hilhkikna 31:2

Amah in amaute kiangah, “Tu ni-in kei kum za le kum sawm nih ka pha ta a, keima ut bangin ka gamtang zo nawn kei hi. Topa in kei kiangah, ‘Hih Jordan gal khat ah na pai kei ding hi,’ hong ci zo hi.

2 KORIN NIHNA 2:16

Tua a nam pen, thu um lo mite adingin mi a sisak thei a nam khauh mahmah hi a, hotkhiatna a ngah mite adingin mi a hingsak thei a namtui mahmah ahi hi. Hih nasep a sem dingin kua kilawm ahi hiam?

1 KHANG TANGTHU MASATE 22:12

Amah in Israel tungah nang hong uksak ciangin Topa na Pasianʼ thukham na zuih theih nadingin Topa in ngaihsut pilna le thutelna nang tungah hong pia tahen.

Paunak 8:15

Kumpite in a gam mite a uk nading, mi ukte in ngeina man a zat theih nadingin keimah in ka huh hi.