2 JOHAN NIHNA 1:7 - Tedim Bible Revision 2017

⁷ Bang hang hiam cih leh leitungah midangte a khem tampi hong om ta a, tua mite in Jesu Khris, mihing banga hong paina thu a nial uh hi. Tua bang mite pen mi khemte hi a, Khrisʼ Gal ahi uh hi.

Tedim Bible

⁷ Zeisu Khazih in mi pum bangin ci-le-sa tawh hong pai hi ci-a sang lo mi kheem tampi, leitungah hong pai zo uh hi. Hih bang mi in mi kheem mi leh Anti Khazih ahi hi.

2 JOHAN NIHNA 1:7 Referans Kwoze

1 JOHAN MASA 2:26

Note khempeuh a hong sawm miteʼ thu tu-a zah tawh khin phot ni.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Mangmuhna 13:14

Ganhing masa omna ah nalamdang bawl theih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liam sa hi napi a nungta lai ganhing pahtawi nading milim khat a bawl nadingun a gen hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.