2 JOHAN NIHNA 1:4 - Tedim Bible Revision 2017

⁴ Pa Pasian in eite hong thupiakna bangmahin na pawlpi mite pawl khat in thu a mantakin a zuihna uh mu ka hih manin ka nuam mahmah hi.

Tedim Bible

⁴ Eite in Pa kiang pan thupiakna i ngah bangin, na tate kimkhat in thuman thutak lam zui-in a om uh ka muh ciangin ka lung a dam mahmah hi.

2 JOHAN NIHNA 1:4 Referans Kwoze

Efesa 5:8

Note pen khuamial sungah a omngei hi napi-in, Topaʼ mi na suah khit uh ciangin khuavak sungah a om hi ta na hih uh manin khuavak sungah a om mite bangin na gamta un.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

1 JOHAN MASA 2:6

Pasian tawh ka kipawl hi, a ci mi khempeuh, Jesu Khris a gamtat bangin a gamtat ding ahi hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Malakhi 2:6

Amaute in thuman taktakte mah hilhin gen uh a, amauteʼ kam panin zuau thu ging khia lo hi. Ka deihna bangin amaute gamta uh a, a khial ding mi tampite, thuman lamah a paisak uh hi.

Filippi 4:10

Topaʼ hangin ka lungdamna lian mahmah hi. Hun sau veipi khit ciangin kei na hong phawkna uh na hong langsakkik thei uh hi. Kei hong kin loin omngei uh teh, a ci ka hi kei a, na hong kinna uh na hong lah nading uh hun om thei lo, ka cihna ahi hi.

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuhʼ zakin Peter kiangah, “Nang pen Jew mi hi napi-in Jew mi bangin gamta loin Gentail mite bangin a gamta khin sa na hi hi. Tua bangin a gamta khin sa hi napi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

1 KORIN MASA 13:6

Thuman lote ah lungdam ngei lo uh a, thumante bekah lungdam uh hi.