2 JOHAN NIHNA 1:12 - Tedim Bible Revision 2017

¹² Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.

Tedim Bible

¹² No kiangah ka hong gelh nop thu tampi a om hangin lai tungah laitui tawh gelh ding ka deih kei hi. Note kiangah hong pai-in, khat leh khat lungdamna a kicin’ nadingin note tawh maitang kimu-a kihopih ding ka lamen hi.

2 JOHAN NIHNA 1:12 Referans Kwoze

Johan 16:12

“Ka hong gen ding tampi tak om lai hi; ahi zongin hong gen lai leng note adingin tam lua ding hi.

Johan 15:11

Note hangin kei ka lungdam theih nading le noteʼ lungdamna a cingtaak a suah theih nadingin hih thute a hong gen ka hi hi.

Gamlak-vakna 12:8

Amah tawh kam le kam kiho-in, a kitel lo kampaute tawh hi loin, a kitel takin thu ka gen uh a, amah in Topaʼ mel a mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

1 JOHAN MASA 1:4

Koteʼ lungdamna a cingtaak theih nadingin hih lai a hong gelh ka hi uh hi.

Hebru 13:19

Note kiangah Pasian in kei hong paisakkik baih theih nadingin nakpi takin thu na na nget nading uh ka hong thum pha nuam hi.

ROM (Romans) 15:24

tu-in note tawh kimu thei ta dingin ka kilamen hi. Spain gam ka pai kawmin note kiang ka hong nawk nuam a, note tawh tawl khat i kikholh khit ciangin Spain gam ka paina dingah nong huh ding uh ka ut hi.

Johan 17:13

Tu-in nangma kiangah a hong pai ta ding ka hih manin keimah bangin amaute in lungdamna cingtaak a neih theih nadingun leitungah ka om lai-in hih thute a gen ka hi hi.

Johan 16:24

Tu ni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

Hebru 13:23

I sanggampa Timoti zong thong panin a suahtak khitna thu ka hong theisak nuam hi. Amah hong pai baih nakleh note kiangah ka hong pai ciangin ka hong tonpih ding hi.

Filemon 1:22

Tua banah, Pasian in note khempeuhʼ thungetna hong pia-in, note kiangah kei hong paikik thei dingin kilamen ka hih manin ka om nading inn dei zong a baih sa-in na bawl un.

2 TIMOTI NIHNA 1:4

Na khitui luannate phawk ka hih manin ka lung a dam theih nadingin nang tawh kimu nuamin a sun a zanin ka ngaihsun tawntung hi.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

3 JOHAN THUMNA 1:10

Tua ahih manin kong pai ciangin kote hong gensiatna, zuau thu a genna le a gamtatna khempeuh ka pholak ding hi. Tua bang mi gensiatna ciang bek hi loin, i Khristian mipihte zin nangawn tungsak nuam lo a, zin a tungsak nuamte nangawn khamin, pawlpi panin hawlkhiat ding hanciam lai hi.