2 JOHAN NIHNA 1:1 - Tedim Bible Revision 2017

¹ A khangham bel keimah Johan in Teeltuam ahi, kong it taktak tonu le na pawlpi mite kiangah lai ka hong gelh hi. Kei bek in a hong it hi loin thuman a thei taktakte khempeuh in zong hong it uh hi.

Tedim Bible

^1-2 Upa in, eite sungah kipin eite tawh a omkhawm tawntung ding, thuman thutak hangin, kei-a kipan thuman thutak a thei mi khempeuh in a kiteel Tonu leh a tate ka hong it uh hi cih thu a zasak hi.

2 JOHAN NIHNA 1:1 Referans Kwoze

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

1 TIMOTI MASA 2:4

Mi khempeuh in hotkhiatna ngahin, thuman a theihkim ding Pasian in deih hi.

Johan 8:32

Tua ciangin thuman na thei ding uh a, tua thuman in note hong suaktasak ding hi,” a cih leh

2 JOHAN NIHNA 1:5

Tua ahih ciangin ka hong it tonu aw, ka hong thum nopna panin: Eite khempeuh khatlekhat ki-it ni, cihna ahi hi. Hih kong gen thu pen thu thak hi lo a, a kipat cil pek a kipanin i neihsa thupiakna ahi hi.

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

2 JOHAN NIHNA 1:13

Teeltuam ahi hih lai-a om pawlpi mite in hopihna kam hong khak uh hi.

1 JOHAN MASA 2:21

Tua ahih manin note kiangah lai ka hong gelhna pen note in a man na theih lohna hang uh hi loin, note in a man thei-in, zuau thu pen thuman panin hong piang ngei lo hi, ci-in zong na theihna uh hangin a hong gelh ka hizaw hi.

1 PETER MASA 1:2

Pa Pasian in ama ngimna sa bangin note hong teel a, note in Jesu Khrisʼ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

Hebru 10:26

Thuman thutak i theih khit ciangin mawhna i bawl hamtang lai leh i mawhna a kimaisak nadingin biakpiakna dang om nawn lo a,

Galati 5:7

A beisa hunah hoihtakin a gamtate na hi uh hi. Tu-in a manin na gamtat loh nadingun kua in lam hong pialsakin Pasianʼ thu hong mang losak ahi hiam?

Galati 3:1

Galati mihaite aw, singlamteh tungah Jesu Khris a sihna thu teltakin na theih sa uh ahih manin kuaʼ khem sa-in hici thei mawk na hi uh hiam?

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuhʼ zakin Peter kiangah, “Nang pen Jew mi hi napi-in Jew mi bangin gamta loin Gentail mite bangin a gamta khin sa na hi hi. Tua bangin a gamta khin sa hi napi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

Galati 2:5

Lungdamna thuman taktak pelhem het loin note adingin a kipsuak theih nadingin amauteʼ deihna them khat zong ka zui het kei uh hi.

Kolose 1:5

Thu dang na zak ma un, lungdamna thuman taktak na zak uh ciangin lametna na nei uh hi. Note adingin vantungah a hong kikoihsak tua lametna hangin note in muanna le itna a nei na hi uh hi.

Luka 1:3

Kei zong, hih thute khempeuh a kipat cil a kipanin limtakin kantel khin ka hih manin, a thu a kizomzomin nang adingin hong gelhsak leng hoih ding hi, ci-in ka ngaihsun hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

ROM (Romans) 16:13

Topaʼ nasepna sungah a kikhai mahmah Rufas le ta bangin kei a hong bawl tawntung ama nu zong na hopihsak un.

1 PETER MASA 5:13

Note mah bangin Pasian in a teel, Babylon khua-a om pawlpi mite in hopihna kam hong khak uh a, ka tapa Marka in zong note hopihna kam mah hong khak hi.

3 JOHAN THUMNA 1:1

A khangham bel keimah Johan in Lungsim takpi tawh ka hong it ka lawm Gaias tungah lai ka hong khak hi.