1 PETER MASA 4:8 - Tedim Bible Revision 2017

⁸ Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

Tedim Bible

⁸ Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

1 PETER MASA 4:8 Referans Kwoze

Paunak 10:12

Muhdahna in kitotna piangsak a, itna in mawhna khempeuh maisak hi.

Kolose 3:14

Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

Paunak 17:9

Miʼ khialhna a maisakte midangte in itin lawm hau uh a, miʼ khialhna ciaptehna pen lawm taanna ahi hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

Jeim 5:20

tua bangin a khial mite lam man ah a tunpihkik mipa in a khial mite a sih nading panin hon khia-in, mawhna tampi a mai nadingin na a sem pa ahihna thu na phawk un.

1 KORIN MASA 13:1

Keimah in mihingte pau a tuamtuamte le vantung miteʼ pau nangawn ka pau theih hangin itna ka neih kei leh a bil-aphuai zam le daltuah kitum tawh a kibang lel ka hi hi.

1 THESALONIKA MASA 3:12

Kote in note ka hong it zahun, note khatlekhat na ki-itna uh le mi khempeuh na itna uh, hong liansak semsem tahen.

Hebru 13:1

Khris sungah unau bangin na ki-itna uh na zomsuak un.

1 TIMOTI MASA 1:5

Hih bangin thupiakna pen, upna taktak le kisuanna om het loin lungsim siangtho taktak tawh ngaihsutna panin a hong piang khia ki-itna a khan theih nading deihna ahi hi.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Paunak 18:13

A thu za khin nai lopi-in dawnkikna pen haina le maizumna ahi hi.

Paunak 12:16

Mihaite in a hehna uh langsak pah uh a, mipilte in a hehna uh ip zo hi.

3 JOHAN THUMNA 1:2

Ka lawm it Gaias aw, nang na ci damin na vai khempeuh zong na maa pai ding hi, ci-in ka lamen hi. Kha thu tawh kisai lamsang ah zong bangmah lungkhamna om lo ding hi, ci-in ka thei hi.

Jeim 5:12

Hih thute khempeuh banah, sanggamte aw, thu khat peuhpeuh na gen uh ciangin kiciam se kei un. Vantung ahi a, na khat peuhpeuh tawh ahi zongin kiciam kei un. Pasianʼ thukhenna na thuakkhak loh nadingun ahite, “Hi,” ci lel unla, ahi lote, “Hi lo,” na ci lel un.

1 KORIN MASA 13:4

Itna neite a lungduai-in migi hi. Itna neite in hazatna lungsim nei loin, zong kisathei lo hi.