1 PETER MASA 3:8 - Tedim Bible Revision 2017

⁸ A tawpna ah kong gen nop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.

Tedim Bible

⁸ A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.

1 PETER MASA 3:8 Referans Kwoze

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

Efesa 4:31

Kimuhdahna, hehna, thangpaihna, kitotna, kikona, kilungsim neihna khempeuh beisak unla,

Jeim 3:17

Ahi zongin tung lam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Efesa 4:2

Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.

Zekhariah 7:9

“Note in thu a tangin khenin, khatlekhat tungah itna le hehpihna kilakin,

Kolose 3:12

Pasian in note hong itin, hong teelin, ama mi siangthote hi khin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

1 KORIN MASA 12:26

Khat in natna ngah leh a vekpi-un thuak khawm uh a, khat in pahtakna ngah leh a vekpi-un lungdam khawm uh hi.

Mattiu 18:33

Nang ka hong hehpih mah bangin na nasep pih pa zong na hehpih ding kilawm hi lo ahi hiam?’ a ci hi.

1 JOHAN MASA 3:14

Ei Khristiante khatlekhat ki-it ihih manin sihna khut sung panin pai khia-in nuntakna khut sungah a lut khinta ihihna thu i thei khinzo hi. Itna lungsim a nei lote pen sihna khut sung mahah a om lai uh ahi hi.

1 KORIN MASA 1:10

Sanggamte aw, note khatlekhat kithutuakin, pawl kikhenna om kha loin, na lungsim, na ngaihsutna uh le na ngimna uh na kikhatsak nadingun i Topa Jesu Khris min tawh kong thum hi.

Sawltak 4:32

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-aʼ tuam ci loin, a neih khempeuh uh a neikhawm ciat uh hi.

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Hebru 13:1

Khris sungah unau bangin na ki-itna uh na zomsuak un.

2 PETER NIHNA 1:7

Pasianʼ deih bangin na gamtatna uh sanggam ki-itna tawh na behlap un; na sanggam ki-itna uh itna thukpi tawh na behlap zawh nadingun na hanciam un.

1 PETER MASA 2:17

Mi khempeuh zahtak bawlin thu up pih mite na it unla, Pasian zahtak bawlin kumpipa zong na zahtak un.

Late 103:13

Pa in tate a hehpih bangin Topa in amah a zahtakte hong hehpih hi.

Jeim 5:11

Tua bangin a thuak mite a hampha mahmah hi, i ci hi. Job in a thuakna ah a lungduaina na thei uh a, Topa in dikna le hehpihna nei ahih manin a tawpna ah Job tungah a piak thuphate na thei uh hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Filippi 3:16

Bangbang hitale hang, i tunna ciangciang panin mainawt ciat ni.

ROM (Romans) 15:5

Note in lungsim kikhatin i Topa Jesu Khrisʼ Pa ahi Pasian na phatkhawm theih nadingun Pasian in thuak zawhna le thahatna hong pia henla, Jesu Khris deihna bangin gamta-in khatlekhat kithutuak takin hong omsak tahen.

Sawltak 28:7

Tua lai panin a gamla lo mun khat ah tua tuikulh hausa pa Publiasʼ lo a om hi. Amah in limtakin kote zin hong do a, ni thum sung ama zinin ka om uh hi.

Sawltak 27:3

A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piak theih nadingin a pai khiasak hi.

Sawltak 2:1

Pentekos ni hong tun ciangin Jesu a um mi khempeuh mun khat ah kikhawm uh hi.

Paunak 28:8

A meet a pung lakna tawh a hau mipa pen mizawngte a hehpih mipa adingin sum a zonsak hi lel hi.

Luka 10:33

Ahi zongin Samaria mi khualzin khat, tua lai mun hong tungin a liam pa a muh ciangin hehpihhuai sa a,

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

Filippi 2:3

Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsut zaw un.