1 JOHAN MASA 3:22 - Tedim Bible Revision 2017

²² Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Tedim Bible

²² A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

1 JOHAN MASA 3:22 Referans Kwoze

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Johan 9:31

Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Mattiu 21:22

Upna na neih nak uh leh na nget peuhpeuh uh na ngah ding uh hi,” a ci hi.

1 JOHAN MASA 5:14

Eite in ama deihna tawh kituakin i nget nakleh i nget khempeuh Pasian in hong pia ding hi, ci-in kimuanna lungsim i nei hi.

Marka 11:24

Tua ahih manin note kiangah kong genin ah: Na khat peuhpeuh na nget uh ciangin ngah ding ci-in um un; tua hileh na nget peuhpeuh uh na ngah ding uh hi.

Johan 14:13

Tapaʼ hangin Pasianʼ pianzia a kilat theih nadingin keima min paulamin na hong nget khempeuh uh kong pia ding hi.

Paunak 15:29

Topa in midikteʼ thungetna ngai a, migiloteʼ thungetna thudon lo hi.

Late 34:4

Keimah in Topa ka zong a, amah in kei hong dawngin, ka launa khempeuh panin kei hong hon khia hi.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Johan 8:29

Kei a hong sawl paʼ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Jeremiah 33:3

Kei nong sap leh kong dawngkik dinga, na theih ngei nai loh a ki-imcip thu lianpite kong gen ding hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Johan 6:29

Jesu in, “Pasian in a hong sawl pa um le-uhcin Pasian a lungkim nadingin a gamta na hi uh hi,” ci-in a dawng hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Sawltak 17:30

Pasian in mihingteʼ theih loh hun lai-a a gamtatnate uh phamawh a sak loh hangin, tu-in mun khempeuh a om mi khempeuhte a gamtat siatna panun a kihei nadingun thu a hong pia khinzo hi.

Johan 15:10

Ka Paʼ hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Paunak 28:9

Mi khat in thukham a zuih nop kei leh ama thungetna nangawn Pasian in zakthadah huai sa hi.

Late 10:17

Topa aw, lungnemteʼ deihna na ngai ding hi. A lungsim uh na hatsak dinga, na bil na ngat ding hi.

Sawltak 20:21

Jew mi le Gentail mite a mawhna panun Pasianʼ lamah kihei-in i Topa Jesu a up nadingun thu ka gen khinzo hi.

JOB (Job) 22:26

Pasian muanin na nei tawntung dinga, na lungdamna bulpi amah ahih lam na thei ding hi.

Jeim 4:3

Pasian kiangah na nget sun uh ciangin zong noteʼ nopsak nading bek ngenin, na ngaihsutna uh man lo ahih manin a ngah lo na hi uh hi.

1 JOHAN MASA 2:3

Eite in ama thupiaknate i zuih leh amah a thei taktak ihihna hong kilang hi.