1 JOHAN MASA 1:9 - Tedim Bible Revision 2017

⁹ Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.

Tedim Bible

⁹ I mawhnate pulakin thuum lehang, i mawhnate maisakin, i gitlohna khempeuh sawpsiang nadingin amah in thuman thutak tawh ahi zongin, dikna thu tawh ahi zongin a dim hi.

1 JOHAN MASA 1:9 Referans Kwoze

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topaʼ tungah ka pulak ding hi,” ka ci hi. Tua ciangin ka mawhna nin nong maisak hi.

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Jeremiah 33:8

Kei tungah hong bawl uh mawhna khempeuh panin amaute ka siangsak dinga, kei tungah a hong mawhnate uh le a hong langpanna khempeuhte uh ka maisak ding hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Hebru 10:23

Pasian in piak dingin a hong ciam thu muang ngam ihih manin i lametna thu kip takin len ni.

1 TIMOTI MASA 1:15

Khris Jesu, mawhneite a hon khia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Nehemiah 1:6

Israel mi ahi na nasemteʼ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kininsak nawn lo ding uh hi. Amauteʼ mawhna le kei hong leh heknate panin ka suaktasak ding hi. Amaute a siangtho mi-in ka bawl dinga, amaute keima mi hi-in, kei, amauteʼ Pasian ka hi ding hi.

1 KORIN MASA 1:9

Ama Tapa ahi i Topa Jesu Khris tawh a kikhawl dingin a hong sam Pasian pen a citak Pasian hi a, a gen sa bangin a hong tungsak takpi ding ahi hi.

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tul khat dongin thuciamna le itna kip lenin a thuman Pasian,

Sawltak 19:18

Thu a um midang tampi tak zong hong pai uh a, mipiʼ zakin a gamtatna sate khempeuh uh hong pulak uh hi.

Marka 1:5

Johanʼ thuhilhna a ngai dingin Jerusalem khua a kipan Judea gam sunga om mi khempeuhte a hong pai uh hi. Amaute in a mawhnate uh va pulak uh a, Jordan Gun sungah Johan in amaute a tuiphum hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Late 19:12

Ahih hangin kua in ama khialhnate mu khia thei tawm ahi hiam? Theih loh manin khialhna panin kei hong siangsak hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Kah la 3:23

zing nisuak bangin thaksuak tawntung a, ni a hong suah pelmawh mah tawh a kibang ahi hi.

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

1 KUMPI MASATE 8:47

ahi zongin amaute a kipuak khiatna leitang ah amaute in a lungsim uh ah thu ngaihsunin kisikkik a, ‘Kote khialin lam pialin ka gitloh tat uh hi,’ ci-in amaute a manteʼ leitang panin nang tungah hong thum uh a,

Mangmuhna 15:3

Amaute in Pasianʼ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate ah thumanin na thutang hi.

Hebru 11:11

Sarah a ta neih theih ding hun bei khin napi-in ama tungah thuciam pa zuau lo ding, ci-in Abraham in upna a neihna hang mahin Sarah gai-in ta a nei ahi hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Isaiah 45:21

Na thu uh sung unla, hong gen un. Na thu uh kikum khawm un! Hih thu sawtpekin kua in gen ahi hiam? Tanglai-in kua in pulak ahi hiam? Keimah Topa hi lo ka hi hiam? Thuman Pasian le Honpa ahi, kei sim loh pasian dang om lo a, kei sim loh kuamah dang om lo hi.

Efesa 5:26

Pawlpi pen paubaanna a om het lo, a siangtho mahmah in Khris kiangah a kipiak theih nadingin Pasian thu tawh tui ah a silsiang khit ciangin Pasian kiangah a ap theih nadingin pawlpi adingin Khris a kipia ahi hi.

ROM (Romans) 3:26

Ahi zongin tu hun ciangin Jesu a um mi khempeuh Pasian tawh a kipawl theih nading le amah thuman ahihna a kilatsak nadingin mihingteʼ mawhna tawh kisai-in na hong sem hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Paikhiatna 34:7

mi tul tampite adingin itna kip a nei; mawhna, thupalsatna le khialhna maisakin; ahih hangin bangbang hitaleh mawhna a khah khong ngei lo; pateʼ mawhna tateʼ tung le tuteʼ tung, khang thum khang lina dongin a thuk pa,” ci-in a pulak hi.

1 KUMPI MASATE 8:30

Amaute in hih mun lamah hong nget uh ciangin na mi Israel-teʼ hong thumna zong ngai in. Na teenna mun vantung panin hong za inla, ka mawhna uh hong maisak in.

Jeremiah 3:13

Na mawhna na phawk ding bek kisam hi. Topa na Pasian na langpanna, sing liim nuai khempeuh ah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Luka 22:57

Ahi zongin Peter in, “Ka nau aw, amah ka thei kei hi,” ci-in a nial hi.