1 JOHAN MASA 1:7 - Tedim Bible Revision 2017

⁷ Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

Tedim Bible

⁷ Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

1 JOHAN MASA 1:7 Referans Kwoze

Efesa 5:8

Note pen khuamial sungah a omngei hi napi-in, Topaʼ mi na suah khit uh ciangin khuavak sungah a om hi ta na hih uh manin khuavak sungah a om mite bangin na gamta un.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

ROM (Romans) 13:12

Zan khuamial bei dektak a, sun khuavak hong tung dektak ta hi. Khuamial sunga gamtatnate khawlin khuavak sunga nazatte zam ta ni.

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Mangmuhna 7:14

“Ka thei kei hi, topa aw. Nangmah in na thei zaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawp siangin Tuuno sisan tawh a paaksak uh ahi hi.

1 JOHAN MASA 1:5

Ama kiang panin za-in note tungah kong gen uh thu in: Pasian, khuavak hi a, khuamial tawh kizopna them khat zong nei het lo hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

1 PETER MASA 1:19

tuuno bangin paubaanna a om lo, a manpha mahmah Khris, biakna-in a hong kipiakna tawh Pasian in note a hong suaktasak ahi hi.

Johan 12:35

Jesu in, “Note kiangah tawmvei sung khuavak hong om lai ding hi. Khuamial sungah a pai mi in a paina mun thei lo ahih manin khuamial in note hong phak loh nadingin khuavak na neih sungun na gamtat ngei uh zom paisuak un.

1 JOHAN MASA 5:6

Hih Jesu Khris pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.

1 JOHAN MASA 1:3

Pa Pasian le a Tapa Jesu Khris tawh kote pawl khatin ka om uh mah bangin note zong kote tawh pawl khat nong suah theih nading uh deihna-in ka muh sa uh le ka zak sa uh thute a hong gen ka hi uh hi.

Late 89:15

Topa aw, lungdamin lasakna tawh nang hong bia a, na migitna khuavak sungah nuam takin a nungta, nangma hangin sun thapai-in lungdam a, nangma hoihna hong phat mite mi nuamsa ahi uh hi.

Late 56:13

Bang hang hiam cih leh sihna panin nong hon khia khin hi. Pasianʼ mai, nuntakna khuavak sungah ka pai theih nadingin ka khe a taalna ding panin na hong hon khia hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Isaiah 2:5

Jakobʼ suanlekhakte aw, hong pai un; Topa’ khuavak sungah gamta ni.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

Late 97:11

Thuman miteʼ tungah khuavak hong taang a, lungsim thutang mite tungah lungdamna hong tung hi.

1 JOHAN MASA 5:8

tuate pen Kha, tui le sisan ahi uh hi. Hih thumteʼ teci panna kibang kim hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

3 JOHAN THUMNA 1:4

Tate bangin ka hong neih mite a mantakin a gamtatna uh ka zakna hangin ka lungdamna sangin a dang lungdamna lian zaw bangmah om lo hi.

Late 104:2

Puanza tawh tuam bangin khuavak tawh na kituam a, vantungte pen puanbuk bangin na zal hi.

2 JOHAN NIHNA 1:4

Pa Pasian in eite hong thupiakna bangmahin na pawlpi mite pawl khat in thu a mantakin a zuihna uh mu ka hih manin ka nuam mahmah hi.

Amos 3:3

Mi nih, thukimna om masa lopi-in lampi ah tonkhawm thei uh ahi hiam?

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

Isaiah 6:7

Amah in ka muk hong bi a, “En in, hih in na muk su kha zo hi; na mawhna bei ta a, na khialhna kimaisak zo hi,” hong ci hi.

Isaiah 33:24

I gamah a teeng mite kuamah in, “Ka ci na hi,” ci nawn lo ding uh a, mawhna khempeuh kimaisak ding hi.

Mattiu 6:12

Kote tungah a hong mawhte mawhmaisakna ka neih bangun koʼ mawhna zong hong maisak in.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Johan 5:4

Bang hang hiam cih leh Topaʼ vantungmi khat in tua bualtui lok thei zel a, tui a kilawh khit ciangin tua lai a tung masa penpen ama natna panin a dam hi.)