1 JOHAN MASA 1:4 - Tedim Bible Revision 2017

⁴ Koteʼ lungdamna a cingtaak theih nadingin hih lai a hong gelh ka hi uh hi.

Tedim Bible

⁴ Note lungdamna a kicin’ nadingin hih thute ka hong gelh uh hi.

1 JOHAN MASA 1:4 Referans Kwoze

Johan 15:11

Note hangin kei ka lungdam theih nading le noteʼ lungdamna a cingtaak a suah theih nadingin hih thute a hong gen ka hi hi.

Johan 16:24

Tu ni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

2 JOHAN NIHNA 1:12

Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.

2 KORIN NIHNA 1:24

Hih bangin um un, ci-in thatang hat thu tawh a hong gen ding ka hi kei uh hi. Note na upna uh ah kip khin na hih manun noteʼ lungdam nadingin note tawh na a sem khawm ka hi uh hi.

Efesa 3:19

Khris hong itna a kicing takin theih khit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Isaiah 61:10

Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

1 JOHAN MASA 2:1

Ka itte aw, note na khialh khak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite adingin Pa Pasian kiangah a hong thumsak dingin a thuman Jesu Khris i nei hi.