1 JOHAN MASA 1:10 - Tedim Bible Revision 2017

¹⁰ Pasian in a mawh hi, hong ci ahih manin eite in ka mawh ngei kei hi, i cih leh Pasian pen zuaugen a suaksak ihi a, i sungah ama thu a om het lo ahi hi.

Tedim Bible

¹⁰ “Ka mawh kei hi,” i cih leh, amah thuzuau gen ahi ci-in i mawhsakna suak a, ama thu in zong eite sungah a om kei hi.

1 JOHAN MASA 1:10 Referans Kwoze

1 JOHAN MASA 1:8

Mawhna ka nei kei hi, i cih leh eite a kineihkhem ihi a, eite a thutak lo ihi hi.

1 JOHAN MASA 5:10

Tua ahih manin Pasianʼ Tapa a um mi peuhmah in Pasianʼ teci panna a sang ahi hi. Ahi zongin Pasianʼ thugen a um lo mi peuhmah in ama Tapa thu teci pangin a gennate a um lo uh ahih manin Pasian pen zuaugen a suaksak ahi uh hi.

1 JOHAN MASA 2:4

Mi khatpeuh in, “Pasian ka thei hi,” ci napi-in a thupiaknate a zuih kei leh tua mi a zuaugen mi hi a, a thutak lo mi ahi hi.

2 JOHAN NIHNA 1:2

Thuman thei ihih manin a tawntungin tua thu ah i kip ding hi.

Late 130:3

Topa aw, nangmah in mawhneite ciamteh lecin, Topa aw, kua in thuak zo ding ahi hiam?

1 JOHAN MASA 2:14

Pate aw, note tungah lai ka hong gelhna pen a kipat cil a kipanin a na om pa na theihna hang uh ahi hi. Tangvalte aw, note tungah lai ka hong gelhna pen note na lungsim uh thahatin, Pasianʼ thu zui-in, Dawimangpa zo khin na hihna hang uh ahi hi.

JOB (Job) 24:25

Hih thu kua in nial zo ding na hi uh hiam? Ka thugennate man lo hi, ci-in kei langah hong pangin ka thugente hong sel zo ding kua om na hi uh hiam?” a ci hi.

Kolose 3:16

Khris thu a cing takin note lungsimah hong om henla, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte le biakna late na sa un.

1 JOHAN MASA 4:4

Ka it tate aw, note, Pasianʼ mite na hi uh a, tua bang kamsang kineihkhemte a zo khin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

JOB (Job) 15:14

“Mihing a a piang peuhmah paubaang het loin siangtho taktak zo ding ahi hiam? Pasianʼ tungah a thuman zo kua om ding ahi hiam?

Jeremiah 2:35

nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Johan 3:33

Ama thugen a umte pen, Pasianʼ thugen man hi, ci-in a um ahi uh hi.