1 JOHAN MASA 1:1 - Tedim Bible Revision 2017

¹ Leitung piancil lai pek a kipanin a om sa ahi nuntakna a pia thei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka et tel uh hi a, ka khut mahmah uh tawh ka lawn uh ahi hi.

Tedim Bible

¹ A cil panin piang a, komau in za-in, ka mittang uh tawh mu-in, a tel takpi enin, ka khut uh tawh ka lawn’ khitsa uh nuntakna Thu tawh kipawl thute, note kiangah kong zasak uh hi.

1 JOHAN MASA 1:1 Referans Kwoze

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Um lah nawn kei inla, um taktak in,” a ci hi.

Sawltak 4:20

Tua ahih manin kote in ka muh sa uh le ka zak sa uh thute gen loin ka om thei kei ding uh hi,” ci-in a dawng uh hi.

1 JOHAN MASA 4:14

Pa Pasian in leitung mite a hon khia dingin a Tapa a hong paisakna thu kote in thei-in midang kiangah gen belin ka nei uh hi.

Johan 5:26

Pa in nuntakna a piak theih mah bangin Tapa in zong a piak theih nadingin Pa in a bawl hi.

Luka 24:39

Ka khut le ka khete en un; kei mahmah ka hi hi. Hong lawng unla hong thei un. Tu-a keima neih bangin sikha in pum le tak nei ahi hiam?” a cih khit ciangin

Johan 8:58

Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.

Mangmuhna 1:8

A beisa hun, tuhun le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Johan 19:35

(Note in na up theih nadingun hih thupiang a mu pa in ama muhna bang a hong gen ahi hi. Ama thugente a man thu hi a, a gen pa in a man taktak a gen ahihna thu zong a thei hi.)

Sawltak 1:3

Ama sih khit zawh ni sawm li sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasianʼ Ukna thu amaute tungah a gen hi.

Mangmuhna 19:13

Sisan sungah a kidiah puan tualpi khat silh a, amah pen, “Pasianʼ Thu,” cihna min tawh a kisam hi.

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik paʼ thugen in:

Luka 1:2

A kipat cil a kipanin amauʼ mit mahmah tawh a mu mite in hong gente uh a gelh uh ahi hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Isaiah 41:4

A kipat cil a kipanin a khangkhangin mite a sam, hih nasep semin a bawl kua ahi hiam? Keimah Topa in, a masa le a nunung ka hi a, kei pen Topa ka hi hi.

1 JOHAN MASA 5:7

Hih thu ah teci a pang thum om a,

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.