Ubadaya 1:9 - Udél Dwata: Gna Kesfasad ne Lomi Kesfasad

⁹ Ne angat tey sidek klikò yó kem sendalù ye bè Timan deng alì layam bè sfatay. Yó nmò yó kem hohon le, gotu hnatay le lu sudeng yóm kdéen tau bè yó bè bulul Idom.”

Ubadaya 1:9 Referans Kwoze

Amus 1:12

Yó gónóm mon angat wen tey ofi hwitu ebè syudad Timan ne gotu kenen yóm gónó gel heklung bè syudad Busra.”

Tekang Kbuten 36:11

Mngà logi Ilifas, duhen Timan ne Umar ne Sifu ne Gatam ne Kinas.

Job 2:11

Wen tlu kem tau hol dumuhen swè Job. Yó boluy le, Ilifas tau lemwót bè benwu Timan ne Bildad yóm tau lemwót bè benwu Suwa ne Sufar yóm tau lemwót bè benwu Naama. Tikóng gungol le yóm tey glumfak Job ni, tódô le lemwót bè yóm kul benwu ne slomong le mauy ke Job anì na le e henyu nawahen.

Ubadaya 1:21

Angat le mneged ebè Bulul Sayun bè Jirusalim yó kem tau gewà na le e knamal kdê yó kem bulul bè Idom. Ne yóm hol geta bélê le mogot yóm klamangen, duhen yóm sana Dwata hol gónó mogot.”

Amus 2:16

Bè yóm kdaw yó balù yó kem sendalù alì lóbô, sana gotu klóy le botong gtebel le yó kem ngom le sfatay. Ou se Dwata nim mudél ni.”

Nahum 3:13

Ngem, angat le gotu lunog yó kem sendaluem, hol lómón klunog kem libun. Yó kem bak tikeb yóm syudadem, deng tódô mngal bè yó kem hohonem, deng ntem le ne gotu le mkekeb.

Ubadaya 1:5

Ke wen tau mnagaw bélê ye kifu, là kô gotu nwa le du kdê kimu ye, olo le ma yóm nóyô le. Dalang se yó kem tau muta bungu grép, sal gel wen tebel le bè yó kem tau élél. Okóm kul yó kem hohon ye, angat tódô gotu himot nwa le yó kem kimu ye, laen kô dù tebel.

Hbakuk 3:3

Tódô tonu Dwata yóm hol mólós, hlalak gu lem yóm benwu laen hol wen tauhen, lemwót gu bè Idom ne bud mlan bè yó kem bulul bè Paran. Tódô tfeng longit yóm tey keslinangen ne tfeng tonok yóm kdê tau dmóyón du.