Ubadaya 1:5 - Udél Dwata: Gna Kesfasad ne Lomi Kesfasad

⁵ Ke wen tau mnagaw bélê ye kifu, là kô gotu nwa le du kdê kimu ye, olo le ma yóm nóyô le. Dalang se yó kem tau muta bungu grép, sal gel wen tebel le bè yó kem tau élél. Okóm kul yó kem hohon ye, angat tódô gotu himot nwa le yó kem kimu ye, laen kô dù tebel.

Ubadaya 1:5 Referans Kwoze

Dwata 24:21

Ke nuta ye yó kem bungu grép, bê ye abay bud senfulék yó kem dù bunguhen tebel. Yó se mò noyok yó kem tólóng tau menwu lem blóng ye ne yó kem ngà hikit ne yó kem libun bolu.

Sifanaya 2:15

Yó se angat glumfak syudad Ninibi, yóm syudad alì heklabak mon du, “Bè kdéen syudad talak tonok, laen kô dù mkél dou bè yóm alì kfasangu.” Okóm ni, nam tenngel yóm tey ksidek kegbaen, baling benwu gónó le nô yó kem ógóf lem bnes. Kihu tau mlan bè yó gotu kemyà du ne tódô le gotu hising.

Isaya 14:12

Ó Tau Geta bè Babilun, uu yóm tehe blotik semla, bede dengi btang gu bè longit. Tey tehe gel kegefem kul yó kem tau bè dumu benwu, okóm ni deng bot le uu te tonok.

2 Samwél 1:19

Ó Israél, ta yó kem ngà bulul gónóhen matay yóm tau malak kuy. Deng le gotu masà bè yó tahen yó kem tau alì mbegel.

Deng Hegfan 18:10

Gotu le mdà hlayuk, knikò le, kô gomong le bè yóm tey glumfaken, mon le, “Weyò, weyò. Kamaen yóm tey syudad Babilun yóó, yóm tey któtólen. Tek sotu urasen deng sana megtafak.”

Ubadaya 1:9

Ne angat tey sidek klikò yó kem sendalù ye bè Timan deng alì layam bè sfatay. Yó nmò yó kem hohon le, gotu hnatay le lu sudeng yóm kdéen tau bè yó bè bulul Idom.”