Ubadaya 1:21 - Udél Dwata: Gna Kesfasad ne Lomi Kesfasad

²¹ Angat le mneged ebè Bulul Sayun bè Jirusalim yó kem tau gewà na le e knamal kdê yó kem bulul bè Idom. Ne yóm hol geta bélê le mogot yóm klamangen, duhen yóm sana Dwata hol gónó mogot.”

Ubadaya 1:21 Referans Kwoze

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Sulat Jim 5:20

Ni mò hol hendem ye. Yóm tau tmóbóng du yóm tau hetlas yó, du se deng mò lanen gewà yóm tau yó, ne gbek Dwata hmifót du yóm kdê salaen.

Sikaraya 14:9

Angat Dwata se yóm hol geta bè klamangen benwu. Bè yóm kdaw yó laen dù dumu Dwata, tek sónen du ne tek són kun boluy gónó le gel tmaba.

Danyél 7:27

Ominen yó lemwót yóm Dwata Hol Geta, gotu hogoten yó kem kun tau yóm kdéen benwu talak tonok, benlayen lu kegbek mung du yóm tey kegeta le. Laen kô dù sónen yóm kogot le benwu ne tey kimón le kul yó kem genlal mogot benwu dini talak tonok.”

1 Timuti 4:16

Hol tenngelem kmoem, ne hol tenngelem se ktolokem. Hol henlelem mò du ni kem ni, abay se ke nmoem, angati gewà gu lem hatay se kóm, dalang se yó kem gel hmungol kóm.

Kem Lingón 22:28

Dwata se yóm hol dandónen geta, gotu knamalen klamangen benwu.

Kun Snulat Luk 22:30

Ke deng kól bè yóm dou kogot tau, angat ye seyón dou mken, ne angat ye gotu mogot kukum bè yó kem sfolò lewu but tau semfu gu bè tehe fù tekuy Israél.”

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Isaya 19:20

Yó kem nmò le yó mò ilô yóm deng knóen bélê le yóm Dwata laen dù là gbeken du. Ke wen bè yó kem tau bè yó gel hen-gnok yó kem dumu tau ne ke mni le tóbóng bè Dwata, tódô wen tau hógów Dwata mò na a lemwà kul.

Kmukum 2:16

Ominen yó wen bélê le nélék Dwata mò fen malak kul anì gewà le lem tdok yó kem tau gel mundug kul.

Deng Hegfan 20:4

Ominu yó bud mton yó kem bangkù gónó le myón yó kem tau benlay le glal kmukum. Bud tonu se lóyóf yó kem tau deng tehe hnatay le lan le tmulón yóm ktahuhen tehe tolok Jisas, ne lan le tmolok Udél Dwata. Ni kem tau ni, là kô hentahu le du yóm lóbô tanay sut. Dalang se yóm lennged hmoen, là kô hentahu le du. Ne là se henmóyô le du yóm kun ilô yóm lóbô, yóm gel nmò le lem uyó le duhen ke te henmù le. Ni kem tau tehe hnatay le ni, gotu le bud mowil, ne gotu le mung kmamal bè Krays bè yóm lemibu halay.

Deng Hegfan 19:6

Ominu bud mungol yóm tey genged udél tau, hol lómón ke lungkul yóm tey hikong, ne hol lómón ke yóm tey lugung. Yó udél le, mon le, “Hol dóyón tekuy dé Dwata. Deng duhen ni ne yóm kkamalen yóm klamangen yóm Dwata gónó tekuy mogot, yóm laen dù là gbeken du.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Matyu 6:10

Kóyô me ke géhél nogotem yóm klamangen. Kóyô me ke hol nmò me te tonok yóm kóm kóyô, lómón yóm gel kmò le du dyó bè longit.

Juwél 2:32

Yó se htóbóng bè boluy yóm sana Dwata hol gónó mogot angat gewà. Angat wen gewà bè yó kem tau nô bè Bulul Sayun bè Jirusalim, lómón yóm deng tehe mon Dwata. Yó kem tau gewà yó, lu se yó kem tau deng kun nélék Dwata.”

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.

Danyél 2:35

Lemwót bè yóm gotu klusok yóm hólól tihen, tódô msulék tbó se lówóhen, tódô gotu sulék lemusok kdéen. Yóm bala tók ne tonok miket ne tembaga ne blówón bukay ne tahu blówón nô bè yóm lennged yó, gotu lemusok lómón kafa halay bè gónó kmusu, tódô gotu mung holis bè lenos, balù udì ke wen bud tebel du. Okóm yóm botu tódô te hólól tihen yó, deng mom baling bulul alì geta, tódô lenngeben klamang benwu kbongen.

Kem Lingón 102:15

Yó kem benwu talak tonok, angat setbol kkel le bè solu Dwata. Yó kem tau hol geta talak tonok, angat setbol kkel le bè yóm tey kegetahen.

Nihimaya 9:27

Yó gónóm mon, tódô blayem lu elem tdok yó kem hohon le. Okóm timbow deng wen gfà le, yó he kni le tóbóng ebéléem. Ne gungolem dyó bè longit yóm kni le ebéléem ne bnalaem lu. Lemwót bè yóm tey kkoduhem kul, yó gónón wen tau hógówem mò lemwà kul lem tdok yó kem hohon le.

Kem Lingón 47:7

Du se hol dandónen geta bè klamangen benwu. Hol dóyón tekuy mlan bè yó kem sngal.

Kem Lingón 67:4

Yake gotu le hligal semngal yóm kdéen tau bè klamangen benwu, abay se tey tedeng yóm kkukumem kul. Gotu sen-galakem yó kem tau bè ket benwu talak tonok.

Tekang Kbuten 25:23

Yó mon Dwata mò du, “Yóm bnututem yó, lewu le. Angat wen lewu but benwu tendo sfohon semfu gu bélê le. Kemgis yóm sotuhen, fen là yóm sotuhen. Yóm twogu angat baling tóbóng lówó yóm twoli.”

Kem Lingón 22:29

Yó kem tau hegeta knô angat le gotu heglaan béléen. Laen kô dù tau te tonok ke là mtuden bukol bè soluhen.

Mika 4:7

Yó kem tau tugô tehe negef le yó, angat nmou lu kem tau dù tebel. Angat tey kehbólu kul, lelu bud hbegel kbenwu le. Ominen ou yóm angat mogot kul bè Bulul Sayun ne laen kô dù tul sónen yóm kogotu kul.”