Ubadaya 1:19 - Udél Dwata: Gna Kesfasad ne Lomi Kesfasad

¹⁹ Ominen yó, yó kem dou tau nô bè benwu Négéb fi leged, angat gotu gfun le yó kem bulul bè Idom. Yó kem tau menwu bè but henfek bè benwu Juda fi desdef, angat gfun le yóm datal yó kem tau Flistin dalang se yóm tonok Ifraim ne tonok Samarya. Ne yó kem sfu Bindyamin, angat gfun le yóm tonok bè Gilyad.

Ubadaya 1:19 Referans Kwoze

Amus 9:12

Ne bud gfun yó kem tau Israél yó kem dù tau tebel bè Idom dalang se yó kem tau bè klamangen benwu gel mit du yóm dou boluy. Ou se yóm sana Dwata hol gónó mogot yóm mudél ni ne angat dnohò nmou nim ni.”

Jirimaya 32:44

Okóm bè yóm hulin kdaw, bè tonok Bindyamin ne bè ni bè Jirusalim ne bè yó kem benwu bè Juda ne bè yó kem benwu lemnek lem bulul ne bè yó kem but bulul bè Juda ne bè Négéb snéen, angat wen bud sebli tonok du nmò le gónó fema ne denket le ne wen kem gemtanud du. Yakà wen he kdawen bud kehguléku klowil yó kem dou tau. Ou se Dwata nim mudél ni.”

Isikél 36:28

Ne angat ye nô bè Israél, yóm benwu tehe blayu yó kem tehe fù ye ekni. Angat ye baling mò dou tau ne ou se baling Dwata ye.

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Amus 1:8

Angat hnatayu yó kem tau bè syudad Asdod ne genlau yóm tau hol geta bè syudad Askilun. Angat tnafaku yóm syudad Ikrun efet le gotu matay yó kem dù Flistin tebel. Ou se yóm Dwata hol dandónen geta nim mudél ni.”

Kem Lingón 69:35

Angat lenwaen Jirusalim bè yó kem hohonen. Bud hefdaen yó kem dumu benwu bè prubinsya Juda. Ne gotu le bud nô bè yó, yó kem kun tau, nfun le yóm klamangen.

2 Bok Kem Tau Hol Geta 17:24

Yó nmò yóm tau hol geta bè Asirya, nwiten yó kem tau bè Babilun ne kem tau bè Kuta ne kem tau bè Hamat ne bè Sifarbim, suen lu bè Samarya ta yóm tonok yó kem tau Israél. Tódô nfun le yóm benwu Samarya, ne nô le bè yó kem syudad bè yó.